போடியில் இருந்து கேரளாவிற்கு கடத்திய 2 டன் ரேஷன் அரிசி பறிமுதல்

உத்தமபாளையம் உணவு கடத்தல் தடுப்பு பிரிவு போலீசார், போடி முந்தல் சோதனை சாவடியில் வாகன சோதனையில் ஈடுபட்டிருந்தனர். அப்போது கேரளா நோக்கி சென்ற ஜீப்பினை சோதனை செய்தனர். அதில் 2 டன் ரேஷன் அரிசி மூடைகள் இருந்தன.

அவற்றை ரேஷன் கடையில் இருந்து கடத்திச் செல்வது விசாரணையில் தெரியவந்தது. அரிசியுடன் ஜீப்பை பறிமுதல் செய்த போலீசார், சம்பவம் தொடர்பாக மூன்று பேரிடம் போலீசார் விசாரணை நடத்தி வருகின்றனர்.