கூடலூர் : வயலில் டிராக்டர் கவிழ்ந்து விவசாயி பலி

நிலத்தை உழும் போது வயலில் டிராக்டர் கவிழ்ந்து விவசாயி பலியானார். கூடலூர் சுக்கான்கல்பட்டியை சேர்ந்தவர் கர்ணன், 45. இவர் கூடலுார் அரசு விதைப்பண்ணை அருகே நிலத்தில் வயல் உழும் பணியில் ஈடுபட்டிருந்தார். வயலில் டிராக்டரை இறக்கும் போது பக்கவாட்டில் கவி்ழ்ந்து விழுந்தது. இதற்குள் சிக்கிக் கொண்ட கர்ணனை டிராக்டர் சகதிக்குள் அழுத்தியது. இந்த சம்பவத்தில் கர்ணன் உயிரிழந்தார். கூடலூர் தெற்கு போலீசார் விசாரணை நடத்தி வருகின்றனர்.