தேக்கம்பட்டியில் தண்ணீர் தொட்டிக்குள் தவறி விழுந்து குழந்தை உயிரிழப்பு

தேனி மாவட்டம், ஆண்டிபட்டி தேக்கம்பட்டியை சேர்ந்தவர் ரஞ்சித்குமார். இவரது வீட்டின் அருகில் பாண்டியன் என்பவர் வீடு கட்டி வருகிறார்.

இதில் அவர், தரையடி தண்ணீர் தொட்டி கட்டி நீர் நிரப்பி வைத்திருந்தார். அங்கு விளையாடிய ரஞ்சித்குமாரின் நான்கு வயது ஆண் குழந்தை சாய்சரண் தவறி தொட்டிக்குள் விழுந்தான். அருகில் இருந்தவர்கள் குழந்தையை மீட்டு தேனி அரசு மருத்துவக் கல்லுாரி மருத்துவமனையில் அனுமதித்தனர்.

ஆனால்  குழந்தை  சாய்சரண் சிகிச்சை பலனின்றி உயிரிழந்தான். இதுகுறித்து  கண்டமனுார் போலீசார் விசாரணை நடத்தி வருகின்றனர்.