சேலம் இரும்பாலையில் படுக்கை வசதிகளை அதிகரிக்க தமிழக முதலமைச்சர் மு.க.ஸ்டாலின் உத்தரவிட்டுள்ளார்

சேலம் உருக்காலை வளாகத்தில் ஆக்சிஜன் வசதியோடு கூடிய 500 படுக்கை வசதி கொண்ட புதிய கொரோனா சிகிச்சை மையத்தை தமிழக முதலமைச்சர் மு க ஸ்டாலின் திறந்து வைத்தார். தொடர்ந்து புதிய சிகிச்சை மையத்தில் ஆய்வு மேற்கொண்ட முதலமைச்சர் அங்கு செய்யப்பட்டுள்ள படுக்கை வசதி, ஆக்ஸிஜன் வசதி ஆகியவை குறித்து ஆய்வு மேற்கொண்டார்.

இன்று திறந்து வைக்கப்பட்ட இந்த சிகிச்சை மையமானது ஓரிரு நாட்களில் பொதுமக்கள் பயன்பாட்டுக்கு வர உள்ளது. இதனிடையே உருக்காலை வளாகத்தில்  இன்னும் 10 நாட்களுக்குள் கூடுதலாக 500  படுக்கை வசதிகளை அமைக்க தமிழக முதலமைச்சர் ஸ்டாலின் உத்தரவிட்டுள்ளார். மொத்தமாக ஆயிரம் படுக்கை வசதிகளோடு செயல்படவிருக்கும் இந்த மையத்திற்கு தேவையான ஆக்ஸிஜன் உருக்காலையில் உற்பத்தி செய்து நேரடியாக வழங்கப்படுகிறது.