கோவை - லோக்மான்ய திலக் சிறப்பு ரயில் ரத்து

தண்டவாள பணிகள் காரணமாக கோயமுத்தூர் - லோக்மான்ய திலக் சிறப்பு ரயில் குறிப்பிட்ட நாட்களுக்கு ஒரு பகுதி ரத்து செய்யப்பட்டுள்ளது.

சேலம் ரயில்வே கோட்டத்திற்கு உட்பட்ட சூலூர் ரோடு - சோமனூர் ரயில்வே ஸ்டேஷனுக்கு இடைப்பட்ட பகுதியில் தண்டவாள பராமரிப்பு பணிகள் நடக்கவுள்ளது.இதனால் இம்மார்க்கத்தில் இயங்கும் கோவை - மும்பை லோக்மான்ய திலக் சிறப்பு ரயில் இருமார்க்கத்திலும் குறிப்பிட்ட நாட்களுக்கு ஒரு பகுதியாக கோவை - ஈரோடு இடையே மட்டும் ரத்து செய்யப்படுகிறது.

இதன்படி லோக்மான்ய திலக் - கோவை சிறப்பு ரயில், ஈரோடு - கோவை இடையே வரும் 13, 15, 16, 18, 20, 22, 23, 25, 27, 28, 29, 30, 31 ம் ஆகிய தேதிகளில் ரத்து செய்யப்படுகிறது. மறு மார்க்கத்தில் கோவை - லோக்மான்ய திலக் சிறப்பு ரயில் கோவை - ஈரோடு இடையே வரும் 13, 15, 16, 18, 20, 22, 23, 25, 27, 28, 29, 30, 31 ம் ஆகிய தேதிகளில் ரத்து செய்யப்படுவதாக சேலம் ரயில்வே கோட்ட நிர்வாகம் தெரிவித்துள்ளது.