சேலம் மாவட்டத்தில் ஆண்களை விட பெண் வாக்காளர்களே முதலிடம்

சேலம் மாவட்டத்தில் 11 சட்டமன்ற தொகுதிகளுக்கான இறுதி வாக்காளர் பட்டியலை மாவட்ட ஆட்சியர் கார்மேகம் அனைத்து அங்கீகரிக்கப்பட்ட அரசியல் கட்சிகள் முன்னிலையில்  வெளியிட்டார். இந்த வாக்காளர் பட்டியலில் ஆண் வாக்காளர்கள்  15,13,360; பெண் வாக்காளர்கள் 15,35,240 இதர வாக்காளர்கள் 224 என மொத்தம் 30,48,824 வாக்காளர்கள் வாக்காளர் பட்டியலில் இடம் பெற்றுள்ளனர்.

கடந்த நவம்பர் 1ம் தேதி வெளியிடப்பட்ட வரைவு வாக்காளர் பட்டியலில் மாவட்டம் முழுவதும் 49,174 வாக்காளரின் பெயர் சேர்க்கப்பட்டுள்ளது . மேலும் 17,953 வாக்காளர்களின் பெயர் நீக்கப்பட்டுள்ளது . இன்று வெளியிடப்பட்ட இறுதி வாக்காளர் பட்டியலில் 18-19 வயது நிரம்பிய வாக்காளர்கள்  22,134 சேலம் மாவட்டத்தில் உள்ள மொத்த வாக்காளர்களில் தற்போது 31,221 வாக்காளர்கள் அதிகரித்துள்ளனர்.

இதனிடையே சேலம் மாவட்டத்தில் உள்ள 11 சட்டமன்ற தொகுதியில் 6 சட்டமன்ற தொகுதிகளில் ஆண் வாக்காளர்களை விட பெண் வாக்காளர்கள் அதிகம் உள்ளனர். மேலும் சேலம் மாவட்டத்தில் மொத்த வாக்காளர்கள் எண்ணிக்கையிலும் பெண் வாக்காளர்களே முன்னிலையில் உள்ளனர்.