சேலம் மாவட்டத்தில் நாளை தடுப்பூசி செலுத்தப்படும் மையங்கள் விபரம்

சேலம் மாவட்டத்தில் பல்வேறு மையங்களில் பல்வேறு கட்டங்களாக கொரோனா தடுப்பூசி போடும் பணி தொடர்ந்து நடைபெற்று வருகின்றது. அதன் அடிப்படையில் தற்போது சேலம் மாவட்டத்திற்கு கிடைத்துள்ள கையிருப்பின் அடிப்படையில் நாளை 138 மையங்களில் 54,070 தடுப்பூசிகள் பொதுமக்களுக்கு போடப்பட உள்ளது. அதன்படி மேலும் கோவிஷில்டு முதல் மற்றும் இரண்டாம் தவணை தடுப்பூசியும், கோவாக்சின் இரண்டாம் தவணை தடுப்பூசியும் போடப்பட உள்ளது. 

எனவே, பொதுமக்கள் தாங்கள் வசிக்கும் பகுதிக்குட்பட்ட தடுப்பூசி மையங்களை அணுகி, முககவசம் அணிந்தும், உரிய சமூக இடைவெளி கடைபிடித்தும் இரண்டாம் தவணை கோவேக்சின், முதலாவது மற்றும் இரண்டாவது தவணை கோவிஷில்டு தடுப்பூ போட்டுக்கொள்ளுமாறு மாவட்ட ஆட்சியர் கேட்டுக் கொண்டுள்ளார்.

மேலும் மாற்றுத்திறனாளிகளுக்கு அவரவர் வசிக்கும் இடங்களுக்கு நேரில் வந்து தடுப்பூசி போடப்படும் என்றும்,  தற்போது போதுமான கையிருப்பு இல்லாத காரணத்தினால் கோவாக்சின் முதல் தவணை தடுப்பூசி போட இயலாது எனவும் மாவட்ட ஆட்சியர் கார்மேகம் தெரிவித்துள்ளார்.