சேலம் மாவட்டத்தில் 26ம் தேதி மதுபானக் கடைகளை மூட ஆட்சியர் உத்தரவு

குடியரசு தினத்தை முன்னிட்டு வருகின்ற 26ம் தேதி சேலம் மாவட்டத்திலுள்ள அனைத்து மதுபானக்கடைகள் மற்றும் மதுபானக் கூடங்களை மூட உத்தரவிடப்பட்டுள்ளது.

இதுகுறித்து மாவட்ட ஆட்சித்தலைவர் கார்மேகம், வெளியிட்டுள்ள செய்தி குறிப்பில், தமிழ்நாடு அரசு அரசாணை எண்.50,உள்,மதுவிலக்கு மற்றும் ஆயத்தீர்வைத்துறையின் அறிவுறுத்தலின்படி, வருகின்ற 26.01.2022 புதன்கிழமை அன்று, குடியரசு தினத்தை முன்னிட்டு மதுபானக்கடைகள் மூடப்பட வேண்டுமெனத் தெரிவிக்கப்பட்டுள்ளது.

எனவே, சேலம் மாவட்டத்தில் உள்ள அனைத்து எப்.எல்.1, எப்.எல்.2, எப்.எல்.3, எப்.எல்.3ஏ மற்றும் எப்.எல்.3ஏஏ உரிமம் பெற்ற ஹோட்டல் மற்றும் கிளப்புகளில் இயங்கிவரும் மதுபானக்கூடங்கள், டாஸ்மாக் மதுபானக்கடைகள்(எப்.எல்.11) மற்றும் டாஸ்மாக் மதுபானக்கடைகளுடன் இணைந்துள்ள மதுபானக்கூடங்கள் அனைத்தும் 26.012022 புதன்கிழமை அன்று மூடப்பட வேண்டுமெனவும், மேலும் அன்றைய தினம் மதுபானம் விற்பனை செய்யக்கூடாது எனவும் அறிவுறுத்தப்படுகிறது.

இதனை மீறி விற்பனை செய்பவர்கள் மீது அரசு விதிகளின்படி கடுமையான நடவடிக்கை எடுக்கப்படும் என  மாவட்ட ஆட்சித்தலைவர் கார்மேகம் தெரிவித்துள்ளார்.