பைக்மீது அடையாளம் தெரியாத வாகனம் மோதி வாலிபர் பலி

இராணிப்பேட்டை மாவட்டம் ஆற்காடு அடுத்த கொல்லபாளயத்தைச் சேர்ந்த வாலிபர் தனுஷ் (20) , மற்றும் அதே பகுதி தந்தைப் பெரியார் நகரை சேர்ந்த தினேஷ் (21) நண்பர்களான இருவரும் சேர்ந்து  ஊரிலிருந்து பைக்கில்  ஸ்ரீபெரும்புதூர் அருகே சிப்காட்பகுதியில் உள்ள தனியார் கம்பெனிகளில் வேலைத்தேடி சென்றனர்.

இந்நிலையில், சுமைதாங்கியருகே வந்த பைக்கை அடையாளம் தெரியாத வாகனம் மோதிவிட்டு நிற்காமல் சென்றுவிட்டது. அதில் பலத்த காயமடைந்த வாலிபர் தனுஷ் சம்பவ இடத்திலேயே பரிதாபமாகப் பலியானார் மேலும் தினேஷ் காயத்துடன் உயிர்தப்பினார்.

அருகிலிருந்தவர்கள் அவரைமீட்டு வாலாஜாபேட்டை அரசு மருத்துவமனைக்கு சிகிச்சைக்காக அனுப்பிவைத்தனர். அதனைத்தொடர்ந்து விபத்து குறித்து காவேரிப்பாக்கம் போலீஸுக்குத் தகவல் தெரிவித்தனர்.

தகவலின் பேரில் அங்கு வந்தப் போலீசார் உயிரிழந்தவரின் சடலத்தை கைப்பற்றி பிரேதப் பரிசோதனைக்கு அனுப்பி வைத்தனர். மேலும் போலீசார் இதுகுறித்து வழக்குபதிந்து விபத்துக்கு காரணமான வாகனத்தைத் தேடி வருகின்றனர்..