ஓச்சேரிஅருகே சாலையை கடக்க முயன்ற பைக் மீது லாரி மோதி 2பேர் படுகாயம்

ராணிப்பேட்டை மாவட்டம் காவேரிப்பாக்கம் அடுத்த நெமிலி பெரும்புலிபாக்கம் கிராமத்தை சேர்ந்தவர் தயாளன் வயது(, 40) என்பவர் அவரது பைக்கில் பக்கத்து வீட்டில் உள்ள உதய குமார் என்பவருடன் தேசிய நெடுஞ்சாலையில் உள்ள பெட்ரோல் போட சென்றுள்ளார்

பைக்கை ஓட்டி சென்ற  தயாளன், பெட்ரோல் போடுவதற்காக சித்தஞ்சி காளி கோயில் அருகே சென்னை- பெங்களூரு நெடுச்சாலையிலிருந்து எதிர்சாலைக்கு கடக்க முயன்றுள்ளார்.  அதே திசையில் பின்னால் வந்த கண்டெய்னர் லாரி மிக வேகமாக வந்து பைக் மீது மோதியது.

அதில் தயாளன், உதயகுமார் இருவரும் பைக்கிலிருந்து தூக்கி வீசப்பட்டனர். அதில் தயாளன், உதயகுமார் இருவரும்  படுகாயமடைந்தனர். உடனே , அருகிலிருந்தவர்கள்   ஆம்புலன்ஸ் மூலம் வாலாஜா அரசு தலைமை மருத்துவமனைக்கு சிகிச்சைக்காக அனுப்பி வைத்தனர். பின்னர் மேல் சிகிச்சைக்காக இருவரும் அடுக்கம்பாறை மருத்துவமனையில் அனுமதிக்கப்பட்டுள்ளனர்

மேலும்,.விபத்து குறித்து அவளூர் போலீசார் வழக்கு பதிந்து விசாரணை செய்து வருகின்றனர்.