உதகையில் நடைபெறும் விவசாயிகள் குறை தீர் கூட்டம்

நீலகிரி மாவட்டத்தில் நடப்பு மாதம் 3-வது வெள்ளிக்கிழமையான வருகிற 17-ந் தேதி காலை 11 மணிக்கு விவசாயிகள் குறைதீர்க்கும் நாள் கூட்டம் மற்றும் இயற்கை விவசாய குழுக்கூட்டம் உதகை பிங்கர்போஸ்ட் பகுதியில் உள்ள மாவட்ட கலெக்டர் அலுவலக கூடுதல் வளாக அரங்கில் நடைபெறுகிறது.

விவசாயிகள் விவசாயம் சம்பந்தப்பட்ட கோரிக்கைகள் ஏதேனும் இருப்பின், அந்த கோரிக்கைகளை 10-ந் தேதிக்குள் தோட்டக்கலை இணை இயக்குனர், தபால் பெட்டி எண்.72, ஊட்டி-643001 என்ற அலுவலக முகவரிக்கு தபாலிலோ அல்லது நேரடியாகவோ அல்லது jdhooty@gmail.com என்ற மின்னஞ்சல் முகவரிக்கோ அனுப்பி வைக்குமாறு கேட்டுக் கொள்ளப்படுகிறது.

மாவட்ட கலெக்டர் மற்றும் அனைத்து துறை முதல்நிலை அலுவலர்களும் கலந்துகொள்வதால் விவசாயிகள் விவசாயம் சம்பந்தமான குறைகள் இருப்பின் கூட்டத்தில் தெரிவிக்கலாம். இந்த தகவலை கலெக்டர் அம்ரித் தெரிவித்து உள்ளார்.