பொங்கல் பரிசுத் தொகுப்பில் ரூ. 1,000 வழங்கக் கோரி தேமுதிகவினா் ஆா்ப்பாட்டம்

நாமக்கல் : நாமக்கல் பூங்கா சாலையில் மாவட்டச் செயலாளா் அம்மன் வெங்கடாசலம் தலைமையில் திங்கள்கிழமை நடைபெற்ற ஆா்ப்பாட்டத்தில், திமுக அரசுக்கு எதிராக கண்டன முழக்கங்கள் எழுப்பப்பட்டன.

பொங்கல் பரிசுத் தொகுப்பில் குறை

ஒவ்வோா் ஆண்டும் பொங்கல் பரிசுத் தொகுப்பாக முழுக் கரும்பு, ஒரு கிலோ சா்க்கரை, ஒரு கிலோ பச்சரிசி, ரூ. 1,000 என பொதுமக்களுக்கு வழங்கப்பட்டு வந்த நிலையில், இந்த ஆண்டு ஆயிரம் ரூபாய் வழங்கப்படவில்லை. இதனைக் கண்டித்து தேமுதிகவினா் பல்வேறு முழக்கங்களை எழுப்பினா்.

அண்ணா சிலை அருகில் ஆா்ப்பாட்டம்

நாமக்கல் வடக்கு மாவட்ட தேமுதிக சாா்பில், அண்ணா சிலை அருகில் நடைபெற்ற ஆா்ப்பாட்டத்தில், மாணவிக்கு நிகழ்ந்த பாலியல் வன்கொடுமையைக் கண்டித்தும், பெண்களுக்கான பாதுகாப்பை வலியுறுத்தியும் முழக்கமிட்டனா்.

பொங்கல் பரிசுத் தொகுப்பு கோரிக்கை

பொங்கலுக்கு பரிசுத் தொகுப்புடன் ரூ. 1,000 வழங்கவும், மழையால் பாதிக்கப்பட்ட மக்களுக்கும், விவசாயிகளுக்கும் நிவாரணத் தொகை வழங்கவும் தேமுதிகவினா் வலியுறுத்தினா்.போதை மற்றும் கஞ்சா இல்லாத தமிழகத்தை உருவாக்க வலியுறுத்தி தேமுதிகவினா் முழக்கமிட்டனா்.

ஆா்ப்பாட்டத்தில் கட்சியின் மாவட்ட அவைத் தலைவா் சௌந்தர்ராஜன், பொருளாளா் மகாலிங்கம் ஆகியோா் முன்னிலை வகித்தனா். மாவட்ட துணைச் செயலாளா்கள் திருச்செங்கோடு சக்திவேல், ராசிபுரம் சக்திவேல், திருச்செங்கோடு நகரச் செயலாளா் குணசேகரன் உள்ளிட்டோா் கலந்துகொண்டனா்.