குமாரபாளையம் அருகே லாரி மீது டெம்போ மோதி பெண் சாவு: இருவர் படுகாயம்

ஈரோடு, வில்லரசம்-பட்டி பகுதியை சேர்ந்தவர் துரைகண்ணன், 34. டிரைவர். இவர் நேற்றுமுன்தினம் இரவு 12 மணியளவில் குமாரபாளையம் எஸ்.எஸ்.எம். கல்லூரி அருகே தோஸ்த் என்ற மினி டெம்போவை ஓட்டிவந்தார். இவரது அருகில் பிரகாஷ், 34, தனியார் நிறுவன மேலாளர், மற்றும் மண் தொழிலாளர் சிவகாமசுந்தரி, 35, உட்கார்ந்து சென்றனர்.

இந்நிலையில், சங்ககிரியில் இருந்து பவானி நோக்கி சென்று கொண்டிருந்தபோது, முன்னால் சென்று கொண்டிருந்த லாரி ஓட்டுநர் திடீரென்று லாரியை நிறுத்தியதால் பின்னால் டெம்போவில் வந்த சிவகாமசுந்தரி தலை நசுங்கி அதே இடத்தில் உயிரிழந்தார். மற்ற இருவரும் பலத்த காயமடைந்து ஈரோடு தனியார் மருத்துவமனையில் சிகிச்சைக்காக சேர்க்கப்பட்டுள்ளனர்.

இதில் கள்ளக்குறிச்சியை சேர்ந்த லாரி ஓட்டுநர் நாராயணமூர்த்தி, 31, என்பவரை குமாரபாளையம் போலீசார் வழக்குப்பதிவு செய்து கைது செய்தனர்.