குமாரபாளையத்தில் டூவீலர் மோதி விபத்து: முதியவர் கவலைக்கிடம்

குமாரபாளையம் மேற்கு காலனியில் வசித்து வந்தவர் அய்யனார், 60. இவர் நேற்று பகல் 12:00 மணியளவில் சேலம், கோவை புறவழிச்சாலை ஜே.கே.கே. முனிராஜா பள்ளி எதிரே சாலையை நடந்து கடக்கும் போது, சேலம் பக்கமிருந்து வேகமாக வந்த புல்லட் வாகனம் மோதியதில் தலை, கை, கால் உள்ளிட்ட பல இடங்களில் படுகாயமடைந்தார்.

இதனையடுத்து அவரை மீட்டு  ஈரோடு தனியார் மருத்துவமனையில் சிகிச்சைக்காக சேர்க்கப்பட்டுள்ளார். இது குறித்து குமாரபாளையம் போலீசார் விசாரணை செய்து வருகின்றனர்.