குமாரபாளையத்தில் டூவீலர்-கார் மோதி விபத்து: பெண் பரிதாப உயிரிழப்பு

நாமக்கல் மாவட்டம், இடைப்பாடி, சின்னப்பம்பட்டி பகுதியை சேர்ந்தவர் ராஜாக்கண்ணு, 32. விவசாயி. இவர் தனது பெரியப்பா மகள் பூங்கொடியை, 38, நேற்று மாலை 2 மணியளவில் தனது டி.வி.எஸ். ஸ்கூட்டி வாகனத்தில் ஏற்றிக்கொண்டு சேலம் - கோவை புறவழிச்சாலையில் அருவங்காடு பஸ் நிறுத்தம் அருகே வந்துகொண்டிருந்தார்.

அப்போது, பின்னால் வந்த மாருதி வேகனார் கார் மோதியதில் இருவரும் பலத்த காயமடைந்தனர். சிகிச்சைக்காக குமாரபாளையம் அரசு மருத்துவமனைக்கு அழைத்து வந்த போது, பூங்கொடி ஏற்கனவே இறந்து விட்டார் என டாக்டர் கூறினார்.

குமாரபாளையம் அரசு மருத்துவமனையில் ராஜாக்கண்ணு அனுமதிக்கப்பட்டுள்ளார். இது குறித்து குமாரபாளையம் போலீசார் வழக்குப்பதிவு செய்து விசாரணை செய்து வருகிறார்கள்.