குமாரபாளையம் அருகே டூவீலர் மீது கார் மோதி விபத்து: இருவர் படுகாயம்

பள்ளிபாளையம் ஓட்டமெத்தை பகுதியை சேர்ந்தவர் செந்தில்குமார், 37. கட்டிட கூலித் தொழிலாளி. இவர் நேற்று மாலை 4:10 மணியளவில் தனது பஜாஜ் சி.டி. டூவீலரில், தன் தந்தை லோகவசீகரன், 57, என்பவரை பின்னால் உட்கார வைத்துக்கொண்டு சேலம் கோவை புறவழிச்சாலையில் கோட்டைமேடு பிரிவு அருகே கே.பி.டி பெட்ரோல் பங்க் முன்பு வந்து கொண்டிருந்தார்.

அப்போது இவருக்கு பின்னால் வேகமாக வந்த மாருதி ஈகோ கார் இவரது டூவீலர் மீது மோத, இருவரும் தூக்கி வீசப்பட்டனர். இதில் இருவரும் பலத்த காயமடைந்தனர்.

இது பற்றி தகவலறிந்த குமாரபாளையம் போலீசார் நேரில் சென்று இருவரையும் குமாரபாளையம் அரசு மருத்துவமனையில் சிகிச்சைக்காக சேர்த்தனர். விசாரணையில் காரை ஓட்டி வந்தது ஆத்தூரை சேர்ந்த கூலித் தொழிலாளி பூபாலன், 24, என்பது தெரியவந்தது. போலீசார் இவரை கைது செய்தனர்.