குமாரபாளையம் விநாயகர் கோவில்களில் சிறப்பு வழிபாடு

விநாயகர் சதுர்த்தியையொட்டி குமாரபாளையம் ஜெய் ஹிந்த் நகர் சித்தி விநாயகர் கோவில், உடையார்பேட்டை ராஜ விநாயகர் கோவில், புத்தர் தெரு நடன விநாயகர் கோவில், கலைமகள் வீதி வெள்ளை பிள்ளையார் கோவில் உள்ளிட்ட அனைத்து விநாயகர் கோவில்களில் சிறப்பு வழிபாடுகள் நடைபெற்றன. சுவாமிக்கு சிறப்பு அபிஷேகம், அலங்கார ஆராதனைகள் நடத்தப்பட்டன.

இதே போல் குமாரபாளையம் அக்ரஹாரம் காசி விச்வேஸ்வரர் கோவில், கோட்டைமேடு கைலாசநாதர் கோவில், திருவள்ளுவர் நகர் மங்களாம்பிகை உடனமர் மகேஸ்வரர் கோவில், அங்காளம்மன் கோவில் சவுண்டம்மன் கோவில்கள், கள்ளிபாளையம் சிவன் கோவில், தேவூர் ஆத்மலிங்கேஸ்வரர் கோவில், பவானி சங்கமேஸ்வரர் கோவில், வேதகிரீஸ்வரர் கோவில், காசி விஸ்வநாதர் கோவில், அங்காளம்மன் கோவில், உள்ளிட்ட  கோயில்களில் உள்ள விநாயகர் மூர்த்திக்கு சிறப்பு அலங்காரம், மற்றும் அபிஷேகங்கள் நடைபெற்றது.