குமாரபாளையத்தில் இரண்டு டூவிலர்கள் மோதல் - ஒருவர் கவலைக்கிடம்

குமாரபாளையம் அம்மன் நகரில் வசிப்பவர் ராமலிங்கம், 40. வாழைப்பழ வியாபாரி. இவர் நேற்றுமுன்தினம் காலை 10:00 மணியளவில், சேலம் சாலையில் பவானி நோக்கி தனது ஹீரோ டூவீலரில் சென்று கொண்டிருந்தார். மதீனா ஸ்டோர் அருகே வந்தபோது, முன்னால் சென்று கொண்டிருந்த வாகனம் நின்றதால் இவரும் தனது வாகனத்தை நிறுத்தினார்.

அப்போது,  இவருக்கு பின்னால் வேகமாக வந்த அடையாளம் தெரியாத டூவீலர் மோதியதில், ராமலிங்கத்திற்கு தலை மற்றும் உடலின் பல இடங்களில் பலத்த காயங்கள் ஏற்பட்டன. இவர்,  ஈரோடு தனியார் மருத்துவமனையில் சிகிச்சைக்காக சேர்க்கபட்டுள்ளார். இது குறித்து குமாரபாளையம் போலீசார் வழக்குபதிவு செய்து விசாரணை செய்து வருகின்றனர். விபத்தை ஏற்படுத்தி விட்டு நிற்காமல் சென்ற வாகனத்தை தேடி வருகின்றனர்.