4 டூவீலர்கள் திருட்டு! போலீசார் விசாரணை!

4 டூவீலர்கள் திருட்டு போலீசார் விசாரணை 

குமாரபாளையத்தில் 4 டூவீலர்கள் திருடப்பட்டதால் போலீசார் இது குறித்து விசாரணை செய்து வருகிறார்கள்.

குமாரபாளையம் எதிர்மேடு பகுதியில் வசிக்கும் நெடுஞ்சாலை அலுவலர் சண்முகசுந்தரம், 29, கல்லூரி பேராசிரியை அருள்மெர்சல் மோனிசா, 32, ஆகியோர் தங்கள் வீடுகளுக்கு முன்பு இரவில் தங்கள் ராயல் என்பீல்ட் வாகனத்தை நிறுத்தி விட்டு, காலையில் எழுந்து பார்த்த போது, இருவர் வாகனமும் திருடப்பட்டிருந்தது. அதே போல், பல்லக்காபாளையம் தனியார் கல்லூரி முன்பு நிறுத்தி வைத்த பி.காம், மற்றும் எம்.பி,ஏ படிக்கும் கல்லூரி மாணவர்கள் பாஸ்கர், 20, சுபாஷ், 22, ஆகியோரது ராயல் என்பீல்ட், யமஹா டூவீலர்கள் காலையில் நிறுத்திவிட்டு கல்லூரிக்குள் சென்று, தேர்வு எழுதி விட்டு, மாலை திரும்பி வந்து பார்த்த போது, இருவரது வாகனங்களும் காணவில்லை. இது குறித்து நால்வரும் குமாரபாளையம் போலீசில் புகார் கொடுத்துள்ளனர். இது குறித்து வழக்குப்பதிவு செய்து விசாரணை செய்து வருகிறார்கள்.

ஈரோடு, நாமக்கல் மாவட்ட செய்திகளை உடனுக்குடன் தெரிந்துகொள்ளுங்கள். நமது குழுவில் இணையுங்கள். Click Now