குமாரபாளையம்; அரசு நூலகத்தில் கவிதை திருவிழா!

அரசு நூலகத்தில் கவிதை திருவிழா

குமாரபாளையம் அரசு நூலகத்தில் கவிதை திருவிழா மற்றும் ஆலோசனை கூட்டம் நடந்தது.

குமாரபாளையம் அரசு கிளை நூலக வாசகர் வட்டத்தின் சார்பில், தலைவர் விடியல் பிரகாஷ் தலைமையில் வாசிப்பை நேசிப்போம் மற்றும் கவிதை திருவிழா என்ற தலைப்பில், அரசு நூலகத்தில் ஆலோசனை கூட்டம் நடந்தது. வாசகர் ஜமுனா அனைவரையும் வரவேற்றார். பள்ளி மாணவர்கள் கவிதைகள் திருவிழாவில் கவிதைகளை சொல்லி அனைவரையும் வியப்பில் ஆழ்த்தினார்கள். பங்கேற்று வெற்றி பெற்ற மாணவ, மாணவியர்களுக்கு பரிசுகள் வழங்கப்பட்டன. கூட்டத்தில் எழுத்தாளர்கள் கேசவ மூர்த்தி, ராஜகோபாலன், பள்ளி மாணவர்கள் சைலேஷ், சந்தோஷ்,

ஸ்ரீவருண், மருத்துவர் சண்முக சுந்தரம் பஞ்சாலை சண்முகம், பன்னீர்செல்வம், தீனா, புஷ்பா, சுகந்தி, சேகர், ஜெயகுமார், மற்றும் பலர் பங்கேற்றனர். மேலும் மாதந்தோறும் கடைசி ஞாயிற்றுக்கிழமையில் கூட்டம் நடைபெறும் என கிளை நூலகர் மாரியாயி தெரிவித்தார்.