பெரியாயி அம்மன், மகா முனி, மந்திர முனி கோவில் கும்பாபிஷேக விழா

குமாரபாளையம் ராஜம் தியேட்டர் அருகே பெரியாயி அம்மன், மகா முனி, மந்திர முனி, தந்திர முனி, விநாயகர், ஏழு கன்னிமார் சுவாமிகள் கோவில் கும்பாபிஷேக விழா மார்ச் 8ல் தீர்த்தக்குட ஊர் வலத்துடன் துவங்கி, முதல் கால யாக சாலை பூஜை நடைபெற்றது. காலை 10:00 மணியளவில் இரண்டாம் கால பூஜை மற்றும் கும்பாபிஷேக விழா நடைபெற்றது.

சுவாமிகளுக்கு சிறப்பு அபிஷேக, அலங்கார, ஆராதனைகள் நடத்தப்பட்டு, பக்தர்களுக்கு பிரசாதம், அன்னதானம் வழங்கப்பட்டது. யாகசாலை பூஜைகள், கும்பாபிஷேக பூஜைகளை காளிப்பட்டி குகசங்கர்சிவம் குழுவினர் நடத்தினர். கோவில் பூசாரி அழகேசன் உள்ளிட்ட பலர் இதற்கான ஏற்பாடுகளை செய்திருந்தனர்.