டூவீலர் மீது தண்ணீர் லாரி மோதிய விபத்தில் ஒருவர் படுகாயம்: ஒருவர் கைது

குமாரபாளையம் ஓலப்பாளையம் பகுதியில் வசிப்பவர் செந்தில், 42. பெயிண்டர். இவர் நேற்று காலை 07:30 மணியளவில் சேலம் கோவை புறவழிச்சாலை அருகே கத்தேரி பிரிவு சர்வீஸ் சாலை பகுதியில், தனது ஹோண்டா டியோ டூவீலரில் வந்துகொண்டிருந்தார்.

அப்போது முன்னாள் சென்ற தண்ணீர் லாரியை முந்தி செல்ல வேண்டி, வலது புறம் முந்த முயற்சிக்க, எவ்வித சிக்னலும் செய்யாமல் லாரி ஓட்டுநர் வலது புறம் வேகமாக திருப்ப, டூவீலர் மீது லாரி மோதி செந்தில் படுகாயமடைந்தார். இவர் சிகிச்சைக்காக குமாரபாளையம் ஜி.ஹெச்.ல் சேர்க்கப்பட்டுள்ளார்.

இது குறித்து வழக்குப்பதிவு செய்த குமாரபாளையம் போலீசார் லாரி ஓட்டுனர் தேவூரை சேர்ந்த ஈஸ்வரன், 44, என்பவரை கைது செய்தனர்.