அதிக விலைக்கு மது விற்றவர் கைது: 25 பாட்டில்கள் பறிமுதல்

பள்ளிபாளையம் சில்லாங்காடு  பகுதியில்,  அதிக விலைக்கு மது விற்கப்படுவதாக போலீசாருக்கு ரகசிய தகவல் கிடைத்தது. இதனையடுத்து பள்ளிபாளையம் இன்ஸ்பெக்டர் சந்திரகுமார் தலைமையிலான போலீசார், நேரில் சென்று பார்த்த போது, அங்கு அதிக விலைக்கு ஒருவர் மது பாட்டில்களை விற்றுக் கொண்டிருந்தார். அவரை பிடித்த போலீசார், அவரிடம் இருந்து 25 மதுபாட்டில்களை பறிமுதல் செய்தனர். விசாரணையில், அவர்  ஆவாரங்காடு  பகுதியை சேர்ந்தவர் என்பதும், பெயர் கிருஷ்ணன், 28, என்பதும் தெரியவந்தது. பள்ளிபாளையம் போலீசார், அவரை கைது செய்தனர்.