குமாரபாளையம் அருகே வீட்டில் தீ விபத்து: தீயணைப்புத்துறை போராடி அணைத்தது

நாமக்கல் மாவட்டம், குமாரபாளையம் அருகே உள்ள தம்மன்ன பகுதிக்குட்பட்ட பட்டாபியில் பட்டாபிராமன் என்பவருக்கு சொந்தமாக வீடு உள்ளது. இந்த வீடு நீண்டகாலமாக பராமரிப்பின்றி கைவிடப்பட்டிருந்தது. இதனால் இந்த வீட்டில் யாரும் வசிக்கவில்லை.

இச்சூழ்நிலையில் கடந்த 2 நாட்களாக அந்த வீட்டிற்கு மர்மநபர் வந்து செல்வதாக அருகில் வசிப்பவர்கள் தெரிவித்தனர்.  அதன் பேரில் பட்டாபிராமன் நேற்றுமுன்தினம் வீட்டிற்கு பூட்டு போட்டுவிட்டு வந்து விட்டார். இந்த நிலையில் இன்று காலை திடீரென அந்த வீட்டிலிருந்து புகை வருவதாக அருகில் வசிப்பவர்கள் சொல்லவும், உடனடியாக வீட்டைத் திறந்து பார்த்த பொழுது வீட்டிற்குள் நெருப்பு கொழுந்துவிட்டு எரிந்தது.

உடனடியாக பட்டாபிராமன்  தீயணைப்புத் துறையினருக்கு தகவல் அளித்தார்.  அதன் பேரில் விரைந்து வந்த  தீயணைப்புத்துறையினர் ஒரு மணி நேரம் போராடி  து தீயை கட்டுப்பாட்டுக்குள் கொண்டு வந்தனர். இதுகுறித்து வழக்கு பதிவு செய்த போலீசார் வீட்டுக்கு தீ வைத்த மர்ம நபர்கள் குறித்து விசாரணை மேற்கொண்டு வருகின்றனர்.