குமாரபாளையத்தில் குடிநீர் குழாய் இணைப்புகள் திருட்டால் மக்கள் அவதி

நாமக்கல் மாவட்டம் குமாரபாளையம் வேதாந்தபுரம், குள்ளங்காடு பகுதிகளில் குடிநீர் குழாய் இணைப்புகள் திருடப்பட்டதால் பொதுமக்கள் அவதிகுள்ளாகினர். இது பற்றி அப்பகுதி பொதுமக்கள் கூறியதாவது:

காலையில் வேதாந்தபுரம், குள்ளங்காடு பகுதிகளில் குடிநீர் பிடிக்க வீட்டிற்கு வெளியில் வந்து பார்த்த போது, குழாயின் பெண்டு பகுதி, டேப்கள் ஆகியவை சுமார் 30 வீடுகளுக்கும் மேல் திருடப்பட்டிருந்தது. இதனை கண்டு அதிர்ச்சியுற்றோம். பல பகுதிகளில் இது போல் நடந்ததாக அறிந்தோம். இப்போது எங்கள் பகுதியில் நடந்துள்ளது. இது போன்ற நபர்களை பிடித்து தக்க நடவடிக்கை எடுக்க வேண்டும். குமாரபாளையம் போலீசார் நேரில் வந்து விசாரணை செய்தனர்.இவ்வாறு அவர்கள் கூறினார்கள்.