குமாரபாளையத்தில் கார், பைக் மோதல்: திருமணம் நிச்சயிக்கப்பட்ட இருவர் படுகாயம்

பள்ளிபாளையத்தை சேர்ந்தவர் பிரவீன், 23. ஈரோட்டில் போட்டோ ஸ்டுடியோ வைத்துள்ளார். இவருக்கும் பவானி லட்சுமி நகர் தனலட்சுமி, 21, என்பவருக்கும் திருமணம் நிச்சயிக்கப்பட்டது.

சேலத்தில் உள்ள தனலட்சுமியின் பெரியம்மா வீட்டிற்கு செல்வதற்காக யமஹா பைக்கில் நேற்றுமுன்தினம் இரவு 07:00 மணிக்கு சென்றனர். சேலம் கோவை புறவழிச்சாலை ரங்கனூர் பிரிவு சாலை பகுதியில் இருந்து வந்த ஜீட்டா காரின் ஓட்டுநர் வேகமாக வந்து இவரது பைக் மீது மோதியதில் இருவரும் படுகாயமடைந்தனர்.

இது குறித்து குமாரபாளையம் போலீசார் வழக்குப்பதிவு செய்து விசாரணை செய்து வருகின்றனர்.