லயன்ஸ் சங்க விழாவில் ஆம்புலன்ஸ் ஓட்டுனர்களுக்கு பாராட்டு

லயன்ஸ் சங்க விழாவில் ஆம்புலன்ஸ் ஓட்டுனர்களுக்கு பாராட்டு

குமாரபாளையம் டெக்ஸ்சிட்டி லயன்ஸ் சங்க விழாவில் ஆம்புலன்ஸ் ஓட்டுனர்களுக்கு பாராட்டு தெரிவிக்கப்பட்டது.

குமாரபாளையம் டெக்ஸ்சிட்டி லயன்ஸ் சங்கம் சார்பில் புதிய நிர்வாகிகள் பதவியேற்பு விழா தலைவர் தனபால் தலைமையில் நடந்தது. புதிய பொறுப்பாளர்களான தலைவர் மோகன், செயலர் சீனிவாசன், பொருளர் தியாகராஜன், இயக்குனர்கள் ஜேம்ஸ், கோபி உள்ளிட்டவர்களுக்கு, கூட்டு மாவட்ட ஒருங்கிணைப்பாளர் விஜயகுமார் பதவி பிரமாணம் செய்து வைத்தார். புதிய உறுப்பினர்களை முன்னாள் ஆளுநர் சந்திரசேகரன் இணைத்து வைத்தார். கல்வி உதவித்தொகை, அரசு பள்ளி மாணவ, மாணவர்களுக்கு கல்வி உபகரணங்கள், பாசம் ஆதரவற்றோர் மையத்திற்கு அரிசி மூட்டைகள், காவேரி நகர் அரசு பள்ளிக்கு குடிநீர் சுத்திகரிப்பு இயந்திரம், அரசு மருத்துவமனைக்கு மருத்துவ உபகரணங்கள் ஆகியன வழங்கப்பட்டன.

நடந்து முடிந்த பாராளுமன்ற தேர்தலில் வயதானவர்கள், மாற்றுத்திறனாளிகள், உடல்நலம் சரியில்லாமல் நடமாட முடியாத நிலையில் உள்ளவர்கள் என பலதரப்பட்ட 127 நபர்களை ஓட்டுச்சாவடிக்கு அழைத்து சென்று, ஓட்டுப்பதிவு செய்து, பின் மீண்டும் அவரவர் வீடுகளில் விட்டு இலவச சேவை செய்த நேஷனல் ஆம்புலன்ஸ் உரிமையாளர் பிரகாஷ் மற்றும் ஓட்டுனர்கள் யஸ்வந்த், கவுதம் உள்ளிட்ட 14 நபர்களுக்கு சால்வை அணிவித்து, நினைவுப்பரிசு வழங்கி கவுரவப்படுத்தபட்டனர். சிறப்பு விருந்தினர்கள் கூட்டு மாவட்ட ஒருங்கிணைப்பாளர் விஜயகுமார், முன்னாள் மாவட்ட ஆளுநர்கள் சந்திரசேகர், மோகன், குமரேசன், தமிழ்மணி உள்ளிட்ட பலர் சங்கத்தின் சேவைப்பணிகளையும், நேஷனல் அம்புலன்ஸ் ஒட்டுனர்கள் சேவையையும் பாராட்டினர். நிர்வாகிகள் வேல்முருகன், பிரபு, சசிகுமார், உள்பட பலர் பங்கேற்றனர்.