பள்ளிபாளையம்: கல்லூரி மாணவர் காவிரி ஆற்றில் மூழ்கி பலி

பள்ளிபாளையம் அருகே ஓடப்பள்ளி கதவணை அருகே காவிரி ஆற்றில்,  திருச்செங்கோடு அருகே உள்ள தனியார் கல்லூரியில் படிக்கும் மாணவர்கள் சிலர் குளிக்க வந்துள்ளனர். அதில் ஒரு மாணவன் ஆழமான இடத்திற்கு சென்று குளித்த போது, எதிர்பாராத விதமாக தண்ணீரில் மூழ்கினான். இது குறித்து தகவலறிந்த வெப்படை தீயணைப்பு படையினர், பள்ளிபாளையம் போலீசார் நேரில் வந்து மாணவனின் சடலத்தை போராடி மீட்டனர். இது குறித்து வழக்குப்பதிவு செய்து விசாரணை செய்ததில், திருச்செங்கோடு பகுதியில் வசிக்கும் சக்திவேல், 22, என்பதும், அங்குள்ள தனியார் பொறியியல் கல்லூரியில் இரண்டாம் ஆண்டு பொறியியல் பட்டப்படிப்பு படித்து வருவதும் தெரியவந்தது.