அரசு பள்ளி மாணவர்களை கலைத் திருவிழாவிற்கு வழியனுப்பும் விழா!

அரசு பள்ளி மாணவர்களை கலைத்திருவிழாவிற்கு வழியனுப்பும் விழா - குமாரபாளையத்தில் அரசு பள்ளி மாணவர்களை கலைத்திருவிழாவிற்கு வழியனுப்பும் விழா நடந்தது.

குமாரபாளையம் நகராட்சி அலுவலகம் அருகே உள்ள அரசு உதவி பெறும் சி.எஸ்.ஐ. பள்ளி சார்பில் மாணவ, மாணவியர், மாவட்ட அளவிலான கலைத்திருவிழாவில் வில்லுப்பாட்டு நடத்த சென்றனர். இவர்களை வழியனுப்பும் விழா பள்ளி வளாகத்தில் தலைமை ஆசிரியை சுகந்தி, விடியல் பிரகாஷ் தலைமையில் நடந்தது. சமூக ஆர்வலர் சித்ரா பேசியதாவது:

மாணவ, மாணவியர் கலைத்திருவிழாவில் பங்கேற்க இசைக்கருகள் இல்லை என்று கூறியதால், மாவட்ட கலெக்டர் உமாவிடம் இது பற்றி கோரிக்கை வைத்தோம். அவர் தாயுள்ளம் கொண்டு நிகழ்ச்சிக்கு தேவையான இசைக்கருவிகள் வாங்கி கொடுத்து உதவினார். அனைவரின் சார்பில் கலெக்டருக்கு நன்றிகள்.

இவ்வாறு அவர் பேசினார்.

ஆசிரியைகள் ஜமுனா, சித்ரா, ராணி, ஹெலன், உள்பட பலர் பங்கேற்றனர்.

குமாரபாளையத்தில் அரசு உதவி பெறும் பள்ளி மாணவர்களை கலைத்திருவிழாவிற்கு வழியனுப்பும் விழா நடந்தது