திருப்பரங்குன்றம் மலை மீது சுவாமி கும்பிட வந்தவர் கால் தடுமாறி விழுந்து மரணம்

திருப்பரங்குன்றம் மலைமேல் உள்ள தீபத்தூரில் சாமி கும்பிடும் பொழுது கால் இடறி கீழே விழுந்து முதியவர் உயிர் இழப்பு:

விருதுநகர் மாவட்டம், அருப்புகோட்டையை சேர்ந்த வலையம்பட்டி சிவன் காலனியை சேர்ந்தவர் சங்கரமூர்த்தி(52) .இவர், ஆடி பெருக்கு விழாவை முன்னிட்டு, திருப்பரங்குன்றம் சுப்பிரமணியசுவாமி கோயிலுக்கு சாமி கும்பிட வந்துள்ளார். சாமி கும்பிட வந்தவர் திருப்பரங்குன்றம் மலை மீது உள்ள கோயிலுக்கு சென்றுள்ளார் . அப்போது, அவர் கால் தடுமாறி ,கீழே விழுந்தால் சம்பவ இடத்திலேயே பலியானார். இதனைத்தொடர்ந்து, மலை மீது உள்ள கோயிலுக்கு சென்ற பக்தர்கள் ஒருவர் மரணமடைந்த நிலையில் கிடந்ததை பார்த்து போலீசுக்கு தகவல் கொடுத்தனர்.  சம்பவ இடத்திற்கு வந்த போலீசார் மரணமடைந்த முதியவரின் உடலை கைப்பற்றி பிரேத பரிசோதனைக்கு அனுப்பி வைத்து விசாரணை மேற்கொண்டு வருகின்றனர்.