பாலியல் வன்கொடுமை வழக்கில் கைதான நான்கு பேர் சிறையிலடைப்பு

விருதுநகர் இளம்பெண் பாலியல் வன்கொடுமை வழக்கில் கைது செய்யப்பட்டுள்ள 4 பேர் மதுரை மத்திய சிறையில் அடைக்கப்பட்டனர்.

விருதுநகரில், இளம்பெண் ஒருவர் பாலியல் வன்கொடுமை செய்யப்பட்ட வழக்கில் பள்ளி சிறுவர்கள் 4 பேர் உட்பட 8 பேர் கைதாகியுள்ளனர். இந்த வழக்கில் கைது செய்யப்பட்டுள்ள ஹரிஹரன், ஜூனைத்அகமது, மாடசாமி, பிரவீன் ஆகிய 4 பேரும் திருவில்லிபுத்தூர் கிளை சிறைச்சாலையில் அடைக்கப்பட்டிருந்தனர். பள்ளி சிறுவர்கள் 4 பேரும் ராமநாதபுரத்தில் உள்ள சிறுவர்கள் கூர்நோக்கு இல்லத்தில் அடைக்கப்பட்டனர். திருவில்லிபுத்தூர் கிளைச் சிறையில் அடைக்கப்பட்டிருந்த ஹரிஹரன், ஜுனைத்அகமது, மாடசாமி, பிரவீன் ஆகிய நான்கு பேரும், மதுரை மத்தியச் சிறை சாலைக்கு கொண்டு செல்லப்பட்டு அங்கு அடைக்கப்பட்டனர். பாதுகாப்பு காரணமாக, இளம்பெண் பாலியல் வன்கொடுமை குற்றவாளிகள் மதுரை மத்திய சிறையில் அடைக்கப்பட்டுள்ளதாக போலீசார் தகவல் தெரிவித்தனர்.