ஓசூர் எம்.எம்.நகரில் வீட்டு மண் சுவர் இடிந்து முதியவர் உயிரிழப்பு

கிருஷ்ணகிரி மாவட்டம், ஓசூர் பகுதிகளில் விட்டுவிட்டு லேசான மழை பெய்து வருகிறது.

இந்நிலையில் ஓசூர் அருகே மூக்கண்டப்பள்ளி பகுதியில் உள்ள எம்.எம் நகர் குடியிருப்பு பகுதியில் தனியாக வசித்து வந்தவர் கிருஷ்ணப்பா வயது 70, இவர் பழமையான மண்சுவர் வீட்டில் வசித்து வந்துள்ளார். இவரின் உறவினர்கள் வேறு இடத்தில் வசித்து வரும் நிலையில் நேற்று நள்ளிரவு மழையின் காரணமாக அவரின் வீட்டின் மண் சுவர் ஊறி இடிந்து விழுந்ததில் பலத்த காயம் அடைந்தார்.

அவரை அக்கம்பக்கத்தினர் மீட்டு 108 ஆம்புலென்ஸ் மூலம் மருத்துவமனைக்கு கொண்டு சென்றனர். ஆனால் அவர் வழியிலேயே பரிதாபமாக உயிரிழந்தார்.

இதுகுறித்து சிப்காட் போலீசார் வழக்கு பதிவு செய்து விசாரணை நடத்தி வருகின்றனர்.