கோபி நகராட்சியுடன் நான்கு ஊராட்சிகள் இணைப்பு - நகர்ப்புற வளர்ச்சிக்கு புதிய மைல்கல்!

கோபிசெட்டிபாளையம் நகராட்சியின் எல்லை விரிவாக்கத்தின் ஒரு பகுதியாக வெள்ளாளபாளையம், மொடச்சூர், குள்ளம்பாளையம் மற்றும் பாரியூர் ஆகிய நான்கு ஊராட்சிகள் நகராட்சியுடன் இணைக்கப்பட்டுள்ளன. இந்த முக்கிய முடிவின் மூலம் நகராட்சியின் நிர்வாக எல்லை கணிசமாக விரிவடைந்துள்ளது. இந்த இணைப்பால் புதிதாக இணைக்கப்பட்ட பகுதிகளுக்கு நகராட்சி மூலம் வழங்கப்படும் அனைத்து அடிப்படை வசதிகளும், சேவைகளும் கிடைக்கும் என உறுதி செய்யப்பட்டுள்ளது. புதிதாக இணைக்கப்பட்ட நான்கு ஊராட்சிப் பகுதிகளும் ஏற்கனவே நகர்ப்புற தன்மை கொண்டவையாக உள்ளன. இப்பகுதிகள் நகராட்சிக்குரிய அனைத்து விதமான நகர்ப்புற பண்புகளையும் கொண்டுள்ளதால், இந்த இணைப்பு இயல்பான வளர்ச்சிப் போக்கின் ஒரு பகுதியாக பார்க்கப்படுகிறது. நகராட்சி எல்லை விரிவாக்கம் தொடர்பான உத்தேச முடிவு ஆணைகள் வெளியிடப்பட்டுள்ளன.

விரிவாக்கப்பட்ட நகராட்சிக்கான வார்டுகளின் எண்ணிக்கை மறு நிர்ணயம் செய்யப்பட வேண்டும். புதிய வார்டு எல்லைகள் வரையறை செய்யப்பட்ட பிறகு, நகராட்சி மன்றத்திற்கான அடுத்த பொதுத் தேர்தல் நடத்தப்படும் என அறிவிக்கப்பட்டுள்ளது. இந்த அரசாணையை முறையாக செய்யல்படுத்துவதற்கான விரிவான வழிகாட்டுதல்களை நகராட்சி நிர்வாக இயக்குனர் வழங்கியுள்ளார். இந்த இணைப்பு மூலம் கோபி நகராட்சியின் மொத்த பரப்பளவும், மக்கள் தொகையும் கணிசமாக உயரும் என எதிர்பார்க்கப்படுகிறது. புதிய பகுதிகளில் அடிப்படை வசதிகள், குடிநீர் விநியோகம், சாலை வசதிகள், பாதாள சாக்கடை திட்டம் மற்றும் திடக்கழிவு மேலாண்மை திட்டங்கள் உள்ளிட்ட அனைத்து நகராட்சி சேவைகளும் விரிவுபடுத்தப்படும் என தெரிவிக்கப்பட்டுள்ளது.