ஈரோடு மாவட்டத்தில் மின் நுகர்வோர் குறைதீர் முகாம்

ஈரோடு மாவட்டத்தில் மின் நுகர்வோர் குறைதீர் முகாம் – கோபி, பவானி, சத்தியமங்கலம் பகுதிகளில் மக்கள் பயன்பெறும் வாய்ப்பு

ஈரோடு மாவட்டத்தின் கோபி மின் பகிர்மான வட்டத்தில் உள்ள மின் நுகர்வோர் குறைதீர் முகாம், நாளை (ஏப்ரல் 5) காலை 11 மணி முதல் மாலை 5 மணி வரை நடைபெற உள்ளது. இந்த முகாம், கோபி அரசு மருத்துவமனைக்கு எதிரே அமைந்துள்ள செயற்பொறியாளர் அலுவலகத்தில் நடைபெறும்.

இந்த முகாமின் மூலம், கோபி, கொளப்பலூர், சிறுவலூர், கெட்டிசெவியூர், புதுப்பாளையம், கள்ளிப்பட்டி, டி.என்.பாளையம், அத்தாணி, கூகலூர், ஒத்தக்குதிரை, காசிபாளையம், கரட்டடிபாளையம், நம்பியூர் மற்றும் குருமந்தூர் பகுதிகளில் வசிக்கும் மின் நுகர்வோர், தங்களின் மின்சாரம் தொடர்பான குறைகள், கோரிக்கைகள் குறித்து நேரடியாக மனு அளித்து தீர்வு பெறலாம்.

இதேபோல், பவானி மற்றும் சத்தியமங்கலத்தில் உள்ள செயற்பொறியாளர் அலுவலகங்களிலும் நாளையே குறைதீர் முகாம்கள் நடைபெறுகின்றன. அந்தந்த பகுதிகளின் மக்கள், தங்களின் மின் சேவையுடன் தொடர்புடைய பிரச்சனைகளை இந்த முகாம்களில் பதிவு செய்து, விரைவான தீர்வை பெறும் வாய்ப்பை பயன்படுத்திக் கொள்ளலாம்.

மின் துறை வழங்கும் இந்த சேவையை மக்கள் பயன்படுத்து, தங்களின் குறைகளை நேரில் சென்று தீர்த்துக்கொள்ள அதிகாரிகள் கேட்டுக்கொண்டுள்ளனர்.