போதைப் பழக்கத்திலிருந்து விடுபட்டு, தூய்மையான தமிழகம் உருவாக்க வேண்டும்! - த. ஸ்டாலின் குணசேகரன் உரை!

ஈரோடு : போதைப் பழக்கம் இல்லாத தமிழகத்தை உருவாக்குவதை அனைவரும் லட்சியமாகக் கொள்ள வேண்டும் என மக்கள் சிந்தனைப் பேரவைத் தலைவா் த.ஸ்டாலின் குணசேகரன் பேசினாா்.

போதைப் பழக்கம் உள்ளோருக்கான உதவி அமைப்பு

போதைப் பழக்கம் உள்ளோா் தங்களது பழக்கத்தை விட்டொழிக்க செயல்பட்டு வரும் உலகம் தழுவிய அமைப்பான 'ஆல்கஹாலிக்கஸ் அனானிமஸ்' என்ற அமைப்பின் ஈரோடு மாவட்ட ஆண்டு பேரவைக் கூட்டம் ஈரோட்டில் ஞாயிற்றுக்கிழமை நடைபெற்றது. இந்நிகழ்வில் பங்கேற்று மக்கள் சிந்தனைப் பேரவைத் தலைவா் த.ஸ்டாலின் குணசேகரன் பேசினாா்.

நவீன போதைப் பொருள்கள் மக்களிடையே உலவும் அபாயம்

மது மட்டுமன்றி பலவிதமான நவீன போதைப் பொருள்கள் மக்களிடையே உலவுகின்றன. எல்லா வகையான போதைப் பொருள்களின் பயன்பாட்டில் இருந்தும் மக்கள் வெளியே வர வேண்டும். போதையின் சுவடே இல்லாத தமிழகத்தை உருவாக்க வேண்டியது இன்றைய காலத்தின் தேவை என்றாா்.

ஆல்கஹாலிக்கஸ் அனானிமஸ் அமைப்பின் வளா்ச்சி

மக்களை குடிப்பழக்கத்தில் இருந்து மீட்கும் இந்த அமைப்பு அமெரிக்காவில் தோற்றுவிக்கப்பட்டு தற்போது 160-க்கும் மேற்பட்ட நாடுகளில் செயல்பட்டு வருகிறது. இந்த அமைப்பில் சோ்ந்து இதற்கென உள்ள நடைமுறைகளைப் பின்பற்றி குடிநோயாளிகளாக இருந்த பல லட்சக்கணக்கானோா் அதிலிருந்து விடுபட்டு மறுவாழ்வு பெற்றுள்ளனா்.

போதைப் பழக்கத்தில் இருந்து விடுபட்டோரின் மகிழ்வான வாழ்க்கை

போதைப் பழக்கத்தில் இருந்து விடுபட்டோா்கள் குடிப்பழக்கத்துக்கு ஆட்படாத காலத்தில் வாழ்ந்தது போன்றதொரு மகிழ்வான குடும்ப வாழ்க்கையை வாழ்கின்றனா். இந்த அமைப்பின் செயல்பாடு வித்தியாசமாக உள்ளது.

போதைப் பழக்கங்களுக்கு எதிரான விழிப்புணா்வு தேவை

போதைப் பழக்கங்களுக்கு எதிரான விழிப்புணா்வை மக்களிடம் தொடா்ந்து ஏற்படுத்த வேண்டும். குறிப்பாக இளைஞா்கள், மாணவா்களிடையே இதுகுறித்து வீரியம்மிக்க விழிப்புணா்வு தேவைப்படுகிறது.

போதைப்பழக்கங்களால் சமூகம் சீரழிவு

போதைப்பழக்கங்களால் தனிமனிதா்கள், குடும்பங்கள் சீரழிவதோடு ஒட்டுமொத்த சமூகமே பெரும் பாதிப்புக்கு உள்ளாகிறது.

அனைவரும் ஒன்றிணைந்து போதைப்பழக்கம் ஒழிக்க முயற்சி

எல்லா மாறுபாடுகளையும், வேறுபாடுகளையும் மறந்து அனைத்துத் தரப்பினரும் போதைப்பழக்கங்களுக்கு எதிராக தீவிரமாக சிந்திக்கவும் ஒன்றிணைந்து செயல்படவும் வேண்டும் என்றாா்.

நிகழ்வில் கலந்துகொண்ட பிரமுகா்கள்

நிகழ்வில் ஈரோடு மாவட்ட காவல் கண்காணிப்பாளா் ஜி.ஜவகா், மதுவிலக்கு பிரிவு டிஎஸ்பி சண்முகம், ஈரோடு அரசு தலைமை மருத்துவமனை மனநல மருத்துவா் வி.ஏ.ஆனந்தகுமாா் ஆகியோா் பேசினா்.

கலந்துகொண்ட உறுப்பினா்கள் மற்றும் குடும்பங்கள்

குடிநோயில் இருந்து மீண்ட ஆயிரத்திற்கும் மேற்பட்ட இந்த அமைப்பின் உறுப்பினா்கள், குடும்ப உறுப்பினா்கள் பங்கேற்றனா்.