அந்தியூரில் உழவர் பெருவிழா

அந்தியூர் ஒழுங்குமுறை விற்பனைக் கூடத்தில் நேற்று கோபி வேளாண் அறிவியல் நிலையம் மற்றும் கோவை மத்திய பருத்தி ஆராய்ச்சி நிலையம் ஆகியவற்றின் கூட்டு முயற்சியில் உழவர் பெருவிழா சிறப்பாக நடைபெற்றது. இந்நிகழ்ச்சியில் பருத்தி சாகுபடியில் புதிய தொழில்நுட்பங்கள், பருத்தி உற்பத்தித் திறனை மேம்படுத்தும் வழிமுறைகள், பருத்தி பயிர்களை பல்வேறு நோய்கள் மற்றும் பூச்சித் தாக்குதல்களில் இருந்து பாதுகாக்கும் முறைகள், நவீன விவசாயத் தொழில்நுட்பங்களை விவசாயிகள் எவ்வாறு பயன்படுத்தலாம் என்பது குறித்து விரிவான விளக்கங்கள் அளிக்கப்பட்டன.

முதுநிலை விஞ்ஞானி அழகேசன் பருத்தி உற்பத்தித் திறனை மேம்படுத்துவதற்கான பல்வேறு நுட்பங்களை எடுத்துரைத்தார். அதேபோல், பயிர் பாதுகாப்புத் தொழில்நுட்ப விஞ்ஞானி சீனிவாசன் பருத்தி பயிர்களை நோய்கள் மற்றும் பூச்சித் தாக்குதல்களில் இருந்து பாதுகாப்பது தொடர்பான புதிய ஆராய்ச்சி முடிவுகளையும், செயல்படுத்தக்கூடிய தொழில்நுட்பங்களையும் விளக்கினார். இந்நிகழ்ச்சியில் அந்தியூர் விற்பனைக்கூட அலுவலர் உட்பட அந்தியூர் மற்றும் அதனைச் சுற்றியுள்ள பகுதிகளைச் சேர்ந்த 50க்கும் மேற்பட்ட விவசாயிகள் ஆர்வத்துடன் பங்கேற்று பயனடைந்தனர்.