அரசு பள்ளி ஆசிரியரிடம் ஐந்து பவுன் நகை கொள்ளை

ஈரோடு, மொடக்குறிச்சி அருகே – ஓய்வுபெற்ற ஆசிரியைரிடம் நகை பறிப்பு 

ஈரோடு அருகேயுள்ள லக்காபுரம் நகராட்சியை சேர்ந்த இசக்கியம்மாள் (வயது 65), ஓய்வு பெற்ற அரசு பள்ளி ஆசிரியாகப் பணியாற்றியவர். இவர், திருநெல்வேலியைச் சேர்ந்தவர். சமீபத்தில், தனது மகன் வசிக்கும் லக்காபுரம் பகுதியில் அவரை சந்திக்க வந்திருந்தார்.

நேற்று முன்தினம் இரவு, பேரனுடன் வீட்டின் வெளியே நின்று கொண்டிருந்த போது, ஹெல்மெட் அணியாமல் இருசக்கர வாகனத்தில் வந்த இருவர், அவர் அருகில் நின்றனர். அவர்களில் ஒருவர் பைக்கில் இருந்து இறங்கி முகவரி கேட்பது போல நெருங்கினார். திடீரென, இசக்கியம்மாள் அணிந்திருந்த ஐந்து பவுன் தங்கச் செயினை பறிக்க முயன்றார்.

எச்சரிக்கையுடன் இருந்த இசக்கியம்மாள் செயினை இறுகப் பற்றியதால், கொள்ளையன் முழு செயினையும் பறிக்க முடியாமல், ஒரு அரை பவுன் மாங்கல்யத்தை மட்டுமே பிடித்துக்கொண்டு இருவரும் பைக்கில் தப்பிச் சென்றனர்.

இந்த சம்பவம் குறித்து இசக்கியம்மாள் மொடக்குறிச்சி போலீசில் புகார் அளித்தார். அதனைத் தொடர்ந்து போலீசார் விசாரணை நடத்தி, திருடர்களை பிடிக்க தீவிரமான முயற்சியில் இறங்கியுள்ளனர்.