தடை செய்யப்பட்ட புகையிலை பொருள்கள் விற்ற 4 பேர் கைது!

அரசால் தடை செய்யப்பட்டுள்ள புகையிலை பொருள்களான பான் மசாலா, குட்கா போன்றவற்றை விற்பனை செய்வதை தடுக்க மாவட்ட போலீசார் தீவிர நடவடிக்கை மேற்கொண்டு வருகின்றனர்.

கருங்கல்பாளையத்தில் புகையிலை பொருள் விற்பனை

அரசால் தடை செய்யப்பட்டுள்ள புகையிலை பொருள்களான பான் மசாலா, குட்கா போன்றவற்றை விற்பனை செய்வதை தடுக்க மாவட்ட போலீசார் தீவிர நடவடிக்கை மேற்கொண்டு வருகின்றனர். அதன்படி ஈரோடு கருங்கல்பாளையம் பகுதியில் போலீசார் கண்காணிப்பு மற்றும் சோதனையில் ஈடுபட்டிருந்தனர். அப்போது கருங்கல்பாளையம், மரப்பாலம் ரோடு பகுதியைச் சேர்ந்த மதன்ராஜ் (37) என்பவர் அரசால் தடை செய்யப்பட்ட பான்மசாலா, குட்கா உள்ளிட்ட புகையிலை பொருள்களை விற்பனை செய்து வந்தது கண்டுபிடிக்கப்பட்டது. அவர் மீது வழக்கு பதிவு செய்து கைது செய்யப்பட்டார். மேலும் அவரிடமிருந்து சுமார் அரை கிலோ மதிப்பிலான தடை செய்யப்பட்ட புகையிலை பொருள்களும் பறிமுதல் செய்யப்பட்டது.

ஆப்பக்கூடலில் குட்கா விற்பனை

ஆப்பக்கூடல் பகுதியிலும் போலீசார் சோதனையில் ஈடுபட்டனர். ஆப்பக்கூடல், சக்தி நகர், கவுந்தப்பாடி ரோட்டை சேர்ந்த திருமலை ராஜ் (47) என்பவர் அரசால் தடை செய்யப்பட்ட குட்கா பொருள்களை விற்பனை செய்து வந்தது தெரிய வந்தது. அதனால் அவர் மீதும் வழக்கு பதிவு செய்யப்பட்டு கைது செய்யப்பட்டார். அவரிடமிருந்து அரை கிலோ குட்கா பறிமுதல் செய்யப்பட்டது.

சித்தோடு அருகே புகையிலை பொருள் விற்பனை

சித்தோடு அருகே உள்ள கல்லாங்காடு, ஸ்ரீராம் நகரை சேர்ந்த சாந்தி (59) என்பவர் தடை செய்யப்பட்ட புகையிலை பொருள்களை விற்பனை செய்து வந்தது போலீசாரின் கவனத்திற்கு வந்தது. அவர் மீது வழக்கு பதிவு செய்யப்பட்டு கைது செய்யப்பட்டார். அவரிடமிருந்து அரை கிலோ புகையிலை பொருள்கள் பறிமுதல் செய்யப்பட்டது.

அந்தியூரில் பான் மசாலா விற்பனை

அந்தியூர் பகுதியிலும் போலீசார் கண்காணிப்பு பணியில் ஈடுபட்டனர். அப்போது அந்தியூர், மைக்கேல்பாளையத்தைச் சேர்ந்த பொன்னுசாமி (50) என்பவர் தடை செய்யப்பட்ட பான் மசாலா பொருள்களை விற்பனை செய்வது தெரிய வந்தது. உடனே அவர் மீது வழக்கு பதிய செய்யப்பட்டு கைது செய்யப்பட்டார். அவரிடம் இருந்து அரை கிலோ பான் மசாலா பறிமுதல் செய்யப்பட்டது.

போலீசார் அறிக்கை

இது தொடர்பாக போலீசார் கூறியதாவது, "அரசால் தடை செய்யப்பட்ட புகையிலை பொருள்களை விற்பனை செய்யும் நபர்கள் மீது கடுமையான நடவடிக்கை எடுக்கப்படும். பொதுமக்கள் இவற்றை பயன்படுத்துவதை தவிர்க்க வேண்டும். புகையிலை போதைப்பொருள் உடல் நலத்திற்கு மிகவும் கேடு விளைவிப்பது. இது போன்ற சட்டவிரோத விற்பனைகள் குறித்து தகவல் தெரிவித்தால் உடனடியாக நடவடிக்கை எடுக்கப்படும்," என்று அறிவித்துள்ளனர்.