ஓட்டேரியில் செல்போன் பறிப்பில் ஈடுபட்ட 2 பேர் கைது

சென்னை வியாசர்பாடி எம்கேபி நகர் 17வது தெருவைச் சேர்ந்தவர் விஜயகுமார் 16. இவர் வேப்பேரியில் உள்ள தனியார் பள்ளியில் 11-ம் வகுப்பு படித்து வருகிறார் இவர் கடந்த 25ஆம் தேதி இரவு 9 மணி அளவில் செல்போனில் பேசியபடி அம்பேத்கர் கல்லூரி சாலை வழியாக,  ஜீவா ரயில் நிலையம் அருகே நடந்து செல்லும் போது அங்கு வந்த இரண்டு நபர்கள் விஜயகுமாரை  தாக்கி 30 ஆயிரம் ரூபாய் மதிப்புள்ள  செல்போனை பறித்து சென்றனர்.

இதுகுறித்து விஜயகுமார் ஓட்டேரி காவல் நிலையத்தில் புகார் அளித்தார். புகாரின்பேரில் வழக்குப்பதிவு செய்த போலீசார் அப்பகுதியில் இருந்த சிசிடிவி கேமரா பதிவுகளை ஆய்வு செய்தனர். ஓட்டேரி போலீசார் நேற்று காலை ஓட்டேரி மேம்பாலம் அருகே புளியந்தோப்பு மூர்த்தி நகர் பகுதியைச் சேர்ந்த சூர்யா வயது 21 மற்றும் மணலி பகுதியைச் சேர்ந்த ஆசிப் வயது 19 ஆகிய இருவரையும் மடக்கிப் பிடித்தனர்.

இவர்களிடம் நடத்திய விசாரணையில் சிறுவனை தாக்கி செல்போன் பறிப்பில் ஈடுபட்டதை ஒத்துக்கொண்டனர். இதனையடுத்து இவர்கள் மீது வழக்கு பதிவு செய்த ஓட்டேரி போலீசார், இருவரையும் நீதிமன்றத்தில் ஆஜர்படுத்தி சிறையில் அடைத்தனர்.