அரசுக்கே விபூதி அடித்த ஆசிரியர்கள்... உஷாரான அதிகாரிகள்..! கொத்தா மாட்னாங்க!

சென்னை: பள்ளிகளில் மாணவர் எண்ணிக்கை மோசடி - அரசு எடுத்த அதிரடி நடவடிக்கை

முக்கிய அம்சங்கள்

தமிழகத்தில் பள்ளிகளில் மாணவர் எண்ணிக்கை மோசடி கண்டுபிடிப்பு

அரசு திட்டங்கள் சரியாக செயல்படுத்தப்படுகிறதா என ஆய்வு

ஒவ்வொரு மாவட்டத்திற்கும் தனி கண்காணிப்பு அதிகாரி நியமனம்

மாதந்தோறும் அறிக்கை சமர்ப்பிக்க உத்தரவு

விரிவான செய்தி

தமிழக அரசின் பள்ளிக் கல்வித்துறை, மாணவர்களின் எண்ணிக்கையை அதிகமாகக் காட்டி நடத்தப்பட்ட மோசடி குறித்து அதிரடி நடவடிக்கை எடுத்துள்ளது. திருவள்ளூர் மாவட்டத்தில் உள்ள ஒரு பள்ளியில் 219 மாணவர்கள் மட்டுமே இருந்தபோதிலும், அதிக எண்ணிக்கையில் மாணவர்கள் இருப்பதாக தவறான தகவல் அளிக்கப்பட்டுள்ளது.

அரசின் பல்வேறு திட்டங்கள் மாணவர்களுக்கு முறையாகச் சென்றடைகிறதா என்பதை ஆய்வு செய்ய, ஒவ்வொரு மாவட்டத்திற்கும் தனி கண்காணிப்பு அதிகாரி நியமனம் செய்யப்பட்டுள்ளது. இந்த அதிகாரிகள் காலை சிற்றுண்டி, எண்ணும் எழுத்தும், கல்வி உதவித்தொகை உள்ளிட்ட திட்டங்களின் செயல்பாட்டை ஆய்வு செய்ய உத்தரவிடப்பட்டுள்ளனர்.

பள்ளிக் கல்வித்துறை இயக்குனர் ஜி. அறிவொளி, திருவள்ளூர் மாவட்டத்தின் கண்காணிப்பு அதிகாரியாக நியமிக்கப்பட்டுள்ளார். இந்த அதிகாரிகள் மாணவர்களின் தேர்ச்சி விகிதம், மதிப்பெண்கள் மற்றும் ஆரோக்கியம் குறித்த பகுப்பாய்வு செய்து, மாதந்தோறும் 5ஆம் தேதிக்குள் அறிக்கை சமர்ப்பிக்க வேண்டும்.