சென்னையில் அஞ்சலக ஒய்வூதியர் குறைதீர்க்கும் நாள்

அஞ்சலக ஒய்வூதியர் குறை தீர்க்கும் நாள் 05.05.2022 அன்று பகல் 11:00 மணியளவில் சென்னையில் உள்ள தமிழ்நாடு வட்ட முதன்மை அஞ்சல் துறை தலைவர் அலுவலகத்தில் காணொலி காட்சி வாயிலாக நடைபெறவுள்ளது.

ஓய்வூதியர்கள் தங்களின் குறைகளை முதன்மை அஞ்சல் துறை தலைவர் அலுவலகம், தமிழ்நாடு வட்டம் சென்னை – 600 002 என்ற முகவரிக்கு அஞ்சல் மூலமாகவோ, அல்லது bgt.tn@indiapost.gov.in என்ற மின்னஞ்சல் மூலமாகவோ 13.04.2022 மதியம் 03:00 மணிக்குள் தெரிவிக்குமாறு கூறியுள்ளனர். ஓய்வூதியம் தொடர்பான மனுக்களுடன் அலைபேசி எண் மற்றும் மின்னஞ்சல் முகவரியை அனுப்ப வேண்டும். இது சம்பந்தப்பட்ட ஓய்வூதியதாரருக்கு காணொலி காட்சிக்கான இணைப்பு (Meeting link) வழங்குவதற்கு ஏதுவாக இருக்கும்.

சென்னையில் உள்ள தமிழ்நாடு வட்ட முதன்மை அஞ்சல் துறை தலைவர் அலுவலகம் வெளியிட்டுள்ள செய்திக் குறிப்பில் இத்தகவல் தெரிவிக்கப்பட்டுள்ளது.