சென்னை கிழக்கு அரிமா சங்கத்தின் சார்பாக பாரதியார் பிறந்த நாள் விழா

மகாகவி பாரதியாரின் பிறந்த தினத்தையொட்டி சென்னை கிழக்கு அரிமா சங்கத்தின் சார்பாக 15 ஆம் ஆண்டு பாரதியார் விழா நேற்று மாலை கொண்டாடப்பட்டது.

சென்னை மயிலாப்பூரில் உள்ள தனியார் பள்ளி வளாகத்தில் நடைபெற்ற இந்நிகழச்சியில் எழுத்தாளரும், இயக்குனருமான பாரதி கிருஷ்ணகுமார் சிறப்பு விருந்தினராக கலந்துகொண்டார். சென்னையில் உள்ள அரசு பள்ளியில் பயிலும் மாணவர்களுக்கிடையே மகாகவி பாரதியார் குறித்து கட்டுரை மற்றும் பேச்சு போட்டிகள் நடத்தப்பட்டன. இதில், மொத்தம் 108 மாணவர்கள் கலந்து கொண்டனர்.

வெற்றி பெற்ற மாணவர்களுக்கு சிறப்பு விருந்தினர் பாரதி கிருஷ்ணகுமார் பரிசுகளை வழங்கினார். பாரதியாரின் வாழ்க்கை வரலாற்றினை "பாரதி என்றொரு மானிடன்" என்னும் தலைப்பில் மாணவ, மாணவிகளிடையே அவர் உரையாற்றினார். இந்த நிகழ்ச்சியில் சென்னை கிழக்கு அரிமா சங்கத்தின் நிர்வாகிகள் அருள் சரவணன், குமார், சங்கர், நந்தகுமார், சங்கர் மற்றும் பள்ளி மாணவர்கள், ஆசிரியர்கள் பலர் கலந்துகொண்டனர்.