மதுராந்தகம் ஸ்ரீ லட்சுமி நரசிம்ம சுவாமி கோயிலில் அனுமன் ஜெயந்தி விழா

செங்கல்பட்டு மாவட்டம், மதுராந்தகம் நகரில் பவர்ஸ்டேஷன் ரோட்டில் எழுந்து அருள்பாலிக்கும் ஸ்ரீ லட்சுமி நரசிம்ம சுவாமி திருக்கோவிலில் அனுமன் ஜெயந்தி விழா இன்று கோலாகலமாக நடைபெற்றது.

இவ்விழாவில் பெண்கள் கலந்துகொண்டு 108 பால்குடங்களை ஊர்வலமாக எடுத்துவந்து அனுமனுக்கு அபிஷேகம் செய்தனர்.மேலும் அனுமன் சுவாமிக்கு உற்சவ திருவிழா கோலாகலமாக நடைபெற்றது. இந்நிகழ்வில் காலை 5:00 மணிக்கு திருமஞ்சனம் 9:00 மணிக்கு பால் குடம் புறப்படுதல்11.30 மணிக்கு பால் அபிஷேகம் இதனைத் தொடர்ந்து தீபாராதனை அன்னதானம் நடைபெற்றது. நிகழ்ச்சிக்கான ஏற்பாட்டுகளை சாரதா வேணுதாச சுவாமிகள் செய்திருந்தனர், இதில் திரளான பக்தர்கள் கலந்துகொண்டு சுவாமி தரிசனம் செய்தனர்.