அறுந்து விழுந்த மின்கம்பியை அகற்றாமல் அலட்சியம் காட்டும் மின்வாரியம்

செங்கல்பட்டு மாவட்டம் மதுராந்தகம் ஒன்றியம் வீராணக்குண்ணம் கிராமத்தில் உள்ள வயல்வெளி பகுதியில் மின் கம்பத்தில் இருந்து மின்வயர் அறுந்து விழுந்து பல நாட்களாகியும் மின் இணைப்பு துண்டிக்கப்படாமல் உள்ளது. இதனால் அந்த பகுதியில் செல்பவரை மின்சாரம் தாக்கும் சூழல் ஏற்பட்டுள்ளது.

மேலும் அப்பகுதி விவசாயிகள் மேய்ச்சலுக்கு சென்ற கால்நடைகளும் மின்சாரம் தாக்கி பாதிக்கப்பட்டுள்ளதாக கூறப்படுகின்றனர். இதுகுறித்து மதுராந்தகம் மின்வாரிய அதிகாரிகளுக்கு தகவல் தெரிவிக்கபட்டும் இந்நாள் வரை மின்வாரியம் மெத்தனப் போக்குடன் செயல்படுகின்றனர்.

மின்சாரம் தாக்கி உயிர்ச்சேதம் ஏற்படும் முன்பே இதனை சரிசெய்ய உடனே நடவடிக்கை எடுக்க வேண்டும் என்று அப்பகுதி மக்களும் விவசாயிகளும் கோரிக்கை வைத்துள்ளனர்.