செங்கல்பட்டு மாவட்டம் : நெல்கொள்முதல் சேமிப்பு கிடங்கில் மழையில் நனையும் நெல் மூட்டைகள்

செசெங்கல்பட்டு மாவட்டம் மதுராந்தகம் அடுத்து சிலாவட்டம் தற்காலிக நெல் கொள்முதல் கிடங்குக்கு சுமார் 50க்கும் மேற்பட்ட அரசின் நேரடிக் கொள்முதல் நிலையங்களில் இருந்து கொண்டு வரும் நெல் மூட்டைகளை பாதுகாக்கும் பணியில் ஈடுபட்டு வருகின்றனர்.

இந்நிலையில் அதிகாரிகளின் அலட்சியத்தால் தற்போது பெய்த கன மழையில் நெல் மூட்டைகள் மீது சரிவர தார்பாய்கள் போட்டு பாதுகாக்காவில்லை. இதனால் நெல் மூட்டைகள் மழையில் நனைந்து பல நூறு முட்டைகள் பச்சை பசேலென முளைத்து வீணாகி வரும் நிலை ஏற்பட்டுள்ளது.

தொடர்ந்து மழை பெய்யும் என வானிலை மையம் அறிவித்துள்ளதால் போதுமான அளவு நெல் மூட்டைகளை பாதுகாப்பதற்கான அம்சங்கள் இல்லாதிருப்பதால் நெல் மூட்டைகள் வீணாவதை தடுக்க மாவட்ட நிர்வாகம் நடவடிக்கை எடுக்க வேண்டுமென சுற்றுவட்டார விவசாயிகள் கோரிக்கை வைத்துள்ளனர்.