ஜெயங்கொண்டம் நகராட்சி துணைத்தலைவராக கருணாநிதி போட்டியின்றி தேர்வு

ஜெயங்கொண்டம் நகராட்சியில் உள்ள 21 வார்டுகளில் தி.மு.க. கூட்டணியில் 13 பேரும், பா.ம.க.வில் 4 பேரும், அ.தி.மு.க.வில் நான்கு பெரும் வெற்றி பெற்றனர். இன்று ஜெயங்கொண்டம் நகராட்சிக்கான துணைத்தலைவர் தேர்தல் நகர்மன்ற அலுவலகத்தில் நடைபெற்றது.

இதில் தி.மு.க.வை சேர்ந்த கருணாநிதி துணைத்தலைவர் பதவிக்கு மனு தாக்கல் செய்தார். கூட்டரங்கில் தி.மு.க. கூட்டணியை சேர்ந்த 13 கவுன்சிலர்களும், பா.ம.க.வை சேர்ந்த 4 கவுன்சிலர்கள் மட்டுமே வருகை தந்திருந்தனர். அ.தி.மு.க.வைச் சேர்ந்த 4 கவுன்சிலர்கள் கூட்ட அரங்கிற்கு வரவில்லை.

இதனை அடுத்து ஜெயங்கொண்டம் நகராட்சி துணைத்தலைவராக தி.மு.க.வை சேர்ந்த கருணாநிதி போட்டியின்றி தேர்வு செய்யப்பட்டதாக நகராட்சி ஆணையர் சுபாஷினி அறிவித்தார்.

நகராட்சித் துணைத்தலைவராக தேர்வு செய்யப்பட்ட கருணாநிதிக்கு நகராட்சி கவுன்சிலர்கள் வாழ்த்து தெரிவித்தனர்.