மனநிலை பாதித்த குழந்தையை முதலைகள் நிறைந்த ஆற்றில் தள்ளிய தாய்..!

Mother Throws Son in River,Karnataka News,Crocodile -Infested River,Mother Throws Disabled Son,Disabled Son Thrown Into River,Karnataka Tragedy,Crocodile Attack,River Tragedy Karnataka

கர்நாடகாவில் குலை நடுங்க வைக்கும் சம்பவம்

கர்நாடகாவின் உத்தர கன்னட மாவட்டத்தில், தண்டேலி தாலுகாவில், ஆறு வயது குறைபாடுடைய சிறுவனை, 26 வயது தாயார் முதலைகள் நிறைந்த ஆற்றில் தள்ளி கொலை செய்திருப்பதாக கடும் குற்றச்சாட்டு எழுந்துள்ளது. காவல்துறை தகவலின்படி, இந்த தம்பதிக்குள், பிறவிலியிருந்தே பேச முடியாத தங்கள் மகனின் குறைபாடு குறித்து அடிக்கடி சண்டையிட்டு வந்துள்ளனர்.

Mother Throws Son in River

இந்த சோக சம்பவம் குறித்து பலரும் கண்டனம் தெரிவித்துள்ளனர். கணவன் மனைவிக்கு இடையேயான சண்டை, குழந்தை மீதான அன்பை விட பலமாகி, அப்பாவி சிறுவனின் உயிரை பறித்திருப்பது மிகுந்த வேதனையை ஏற்படுத்தியுள்ளது.

சம்பவத்தின் பின்னணி

காவல்துறை தகவலின்படி, சாவித்ரி என்ற பெண், தனது கணவர் ரவி குமார் உடன் அடிக்கடி சண்டையிட்டு வந்துள்ளார். இவர்களது மூத்த மகனான ஆறு வயது சிறுவன் பிறவியிலிருந்தே பேச முடியாத குறைபாட்டுடன் இருந்துள்ளார். இதுவே அவர்களது சண்டைக்கு முக்கிய காரணமாக இருந்துள்ளது. கணவர் ரவி குமார், மனைவி சாவித்ரி மீது, “ஏன் இப்படிப்பட்ட குழந்தையை பெற்றெடுத்தாய்?” என்று கேட்டு குற்றம் சாட்டி வந்துள்ளார். சில சமயங்களில், "குழந்தையை தூக்கி எறி" என்றும் கூறியுள்ளார் எனக் காவல்துறை தகவல் தெரிவிக்கிறது.

இந்த கொடுமை தாங்க முடியாத மனநிலையில் இருந்த சாவித்ரி, கடந்த வாரம் ரவிகுமார் உடன் கடும் வாக்குவாதத்தில் ஈடுபட்டுள்ளார். இதன் உச்சக்கட்டத்தில், தனது மன கட்டுப்பாட்டை இழந்த சாவித்ரி, தனது மனநிலை பாதிக்கப்பட்ட மகனை முதலைகள் இருப்பதாக அறியப்பட்ட ஆற்றில் தள்ளிவிட்டதாகக் கூறப்படுகிறது.

Mother Throws Son in River

மீட்புக் குழுவினரின் தீவிர தேடல்

உடனடியாக அக்கம் பக்கத்தினர் சாவித்ரியின் அலறல் சத்தத்தை கேட்டு வந்துள்ளனர். நடந்த சம்பவத்தை கேள்விப்பட்டு அதிர்ச்சியடைந்த அவர்கள், காவல்துறைக்கு தகவல் கொடுத்துள்ளனர். சம்பவ இடத்திற்கு விரைந்து வந்த காவல்துறையினர், மீட்புக் குழுவினரை அழைத்து, சிறுவனை தேடும் பணியை தீவிரப்படுத்தினர். ஆனால் முதலைகள் இருக்கும் ஆற்றில் சிறுவனை கண்டுபிடிப்பது கடினமாக இருந்தது. மீட்புக் குழுவினர் படகுகள் மூலம் ஆற்றில் தேடியும் கண்டுபிடிக்க முடியவில்லை. பின்னர், சிறுவனின் உடல் கரையோரங்களில் ஒதுங்கியிருக்கலாம் என்று தேடியும் பலனளிக்கவில்லை.

இழப்புக்கு பின் கேள்விகள்

இந்த சம்பவம் பல கேள்விகளை எழுப்பியுள்ளது. சாவித்ரி தனது மகனை கொலை செய்ய வேண்டும் என்ற கொடூரமான முடிவை எடுத்தது ஏன்? கணவனின் கொடுமை தாங்க முடியாமல் எடுத்த அவசர முடிவா? அல்லது வேறு ஏதாவது மனநிலை பாதிப்பா? இது போன்ற கேள்விகளுக்கு விடை காண காவல்துறை தீவிர விசாரணை நடத்தி வருகிறது.

Mother Throws Son in River

சமூகத்தின் பொறுப்பு

இந்த சம்பவம் நம் சமூகத்தின் கவலைக்குரிய பிரச்சனையை சுட்டிக்காட்டுகிறது. குறைபாடுடைய குழந்தைகளை பார்க்கும் பார்வை எப்படி இருக்க வேண்டும்? அவர்களையும் சாதாரண குழந்தைகள் போலவே ஏற்றுக்கொள்ள வேண்டியதன் அவசியத்தை இந்த சம்பவம் வலியுறுத்துகிறது.

ஒரு பெண்ணை ஏன் இப்படி ஒரு குழந்தையை பெற்றெடுத்தாய் என்று கணவனின் கேள்வி ஏற்றுக் கொள்ளமுடியாதது. இன்பத்தை ஏற்றுக்கொள்ளும் கணவன் துன்பத்தை மட்டும் மனைவியிடம் தள்ளிவிடுவது சரியா என்ற கேள்வியும் எழுகிறது.

Mother Throws Son in River

குழந்தை துன்புறுத்தல் தடுப்போம்

குழந்தை துன்புறுத்தல் என்பது வளர்ச்சி பெற்ற இன்றைய சமூகத்தில் பெரும் பிரச்சனையாக உள்ளது. மனநிலை பாதிக்கப்பட்ட குழந்தைகளுக்கு இது போன்ற சம்பவங்கள் தொடர்ந்து நிகழ்வது வேதனை அளிக்கிறது.

சேவை நிறுவனங்களின் பங்கு

இந்த கவலை அளிக்கும் பிரச்சனையை களைய, பெற்றோருக்கு மனநல ஆலோசனை வழங்குதல், குழந்தை வளர்ச்சி குறித்த விழிப்புணர்வு ஏற்படுத்துதல் போன்ற நடவடிக்கைகளை சமூக நல நிறுவனங்கள் மேற்கொள்ள வேண்டும்.

ஆறு வயது சிறுவனின் இந்த சாவு நம் மனதை உலுக்குகிறது. இது போன்ற சம்பவங்கள் மீண்டும் நடக்காமல் இருக்க, குடும்ப பிரச்சனைகளை சமூக நலம் காப்போம் என்ற பொறுப்புணர்வுடன் சமாளிக்க வேண்டும். குழந்தைகளுக்கு பாதுகாப்பான சூழலை உருவாக்குவோம்.