Ban On Polluting Firecrackers Across Country-சிறியவர்கள் பட்டாசு வெடிப்பதில்லை..! சுப்ரீம்கோர்ட்..!

Ban On Polluting Firecrackers Across Country, Green Firecrackers, Supreme Court Pulls Up Union Government for No Response on Collegium Recommendations

மாசுபாட்டைக் கட்டுப்படுத்தும் நோக்கில் ஒரு முக்கிய விளக்கத்தில், பசுமைப் பட்டாசுகளை மட்டுமே பயன்படுத்த அனுமதிக்கும் அதன் 2021ம் ஆண்டு உத்தரவிடப்பட்ட ஆணை டெல்லி-என்சிஆர்க்கு மட்டுமின்றி நாடு முழுவதற்கும் பொருந்தும் என்று உச்ச நீதிமன்றம் கூறியுள்ளது.

Ban On Polluting Firecrackers Across Country

விசாரணையின் போது, ​​இன்றைய நாட்களில் குழந்தைகள் பட்டாசு வெடிப்பதில்லை என்றும், பெரியவர்கள் தான் பட்டாசு வெடிக்கிறார்கள் என்றும் கூறிய நீதிபதிகள், சுற்றுச்சூழலை பாதுகாப்பது அனைவரின் கடமை என்றும் கூறியுள்ளது.

பேரியம் உப்புகள் மற்றும் இதர மாசுபடுத்தும் இரசாயனங்கள் பயன்படுத்தப்படும் பட்டாசுகளை பயன்படுத்த தடை விதித்தும் - பண்டிகை காலங்களில் காற்று மற்றும் ஒலி மாசுபாட்டை தடுக்கும் நீதிமன்ற உத்தரவை பின்பற்ற ராஜஸ்தான் அரசுக்கு உத்தரவிடக் கோரிய மனுவை விசாரித்த நீதிபதிகள் ஏ.எஸ்.போபண்ணா, எம்.எம்.சுந்தரேஷ் ஆகியோர் அடங்கிய அமர்வு, இது ஒன்றும் புதியது இல்லை. வழிகாட்டல்கள் தேவைப்பட்டன. சுப்ரீம் கோர்ட் உத்தரவுகள் நாடு முழுவதற்கும் பொருந்தும். இந்த விவகாரத்தில் ராஜஸ்தானின் முந்தைய உத்தரவுகளை கவனத்தில் கொள்ளுமாறும் அது கூறியது.

2021ஆம் ஆண்டு உச்ச நீதிமன்ற தீர்ப்புப்படி , பட்டாசுகளுக்கு முழுத் தடை இல்லையென்றாலும், பேரியம் உப்புகள் உள்ளவைகளுக்குத் தடை விதிக்கப்பட்டுள்ளது என்று கூறியது. இது அப்பட்டமாக மீறப்படுவதாகக் குறிப்பிட்டதுடன், பல்வேறு நிலைகளில் உள்ள உயர் அதிகாரிகள் ஏதேனும் தவறுகளுக்கு "தனிப்பட்ட முறையில் பொறுப்பேற்க வேண்டிய நிலைக்குத் தள்ளப்படுவார்கள்." என்று எச்சரித்தது.

Ban On Polluting Firecrackers Across Country

2018-ம் ஆண்டு பட்டாசு வெடிப்பதற்கும் நீதிமன்றம் நேரம் ஒதுக்கியது. தீபாவளியன்று இரவு 8 மணி முதல் 10 மணி வரையிலும், புத்தாண்டு மற்றும் கிறிஸ்துமஸுக்கு இரவு 11:55 முதல் நள்ளிரவு 12:30 மணி வரையிலும் வெடிக்கலாம் என்று கூறியிருந்தது.

எல்லா நடவடிக்கைகளையும் எடுக்க வேண்டும்

நேற்று நடந்த (7ம் தேதி) விசாரணையின் போது, ​​பெஞ்ச் கூறும்போது, "இந்த நீதிமன்றம் பல உத்தரவுகளை பிறப்பித்துள்ளதால், இந்த நேரத்தில், குறிப்பிட்ட உத்தரவு எதுவும் தேவையில்லை. அங்கு காற்றின் மாசுபாட்டைக் குறைக்கவும், சத்தம் மற்றும் ஒலி மாசுபாட்டைக் குறைக்கவும் நடவடிக்கை எடுக்கப்பட்டுள்ளது. ராஜஸ்தான் மாநிலம் உட்பட நாட்டின் ஒவ்வொரு மாநிலத்தையும் இதனுடன் பிணைக்க வேண்டும்."

"எனவே, ராஜஸ்தான் மாநிலமும் இதைக் கவனத்தில் கொண்டு, திருவிழாக் காலங்களில் மட்டுமல்ல, அதற்குப் பிறகும் காற்று மற்றும் ஒலி மாசுபாட்டைக் குறைக்க அனைத்து நடவடிக்கைகளையும் எடுக்கவேண்டும் என்பதை நாங்கள் தெளிவுபடுத்துகிறோம்," என்று அது மேலும் கூறியது.

ராஜஸ்தானில் பண்டிகைக் காலங்களில் ஒலி மற்றும் காற்று மாசுபாடு அதிகரித்து வருவதாகவும், அங்கு திருமணங்கள் நடைபெறுவதால் உதய்பூர் நிர்வாகத்துக்கு உத்தரவிடுமாறும் மனுதாரர் தரப்பில் ஆஜரான வழக்கறிஞர் நீதிமன்றத்தில் தெரிவித்தார்.

Ban On Polluting Firecrackers Across Country

தவறான கருத்து

ராஜஸ்தான் தரப்பில் ஆஜரான வழக்கறிஞர், “தீபாவளி அன்று குறைவான பட்டாசுகளை வெடிக்கிறார்களா என்பதை ஒவ்வொரு குடிமகனும் பார்த்துக்கொள்ள வேண்டும்” என்றார்.

"இந்த நாட்களில், குழந்தைகள் பட்டாசு வெடிப்பதில்லை, பெரியவர்கள் தான்" என்று பெஞ்ச் கூறியது.

மாசுபாட்டைக் கட்டுப்படுத்துவதும் சுற்றுச்சூழலைப் பாதுகாப்பதும் நீதிமன்றத்தின் கடமை மட்டுமே என்ற கருத்து நிலவுவதாகவும் நீதிமன்றம் குறிப்பிட்டுள்ளது. "அதுதான் இல்லை. இது அனைவரின் கடமை" என்று பெஞ்ச் கூறியது.

முன்னதாக, டெல்லியில் காற்றுத் தரக் குறியீடு 400-ஐத் தாண்டிய மாசுபாடு குறித்த மனுவை விசாரித்த உச்ச நீதிமன்றம், இந்த விவகாரம் அரசியல் போராக மாற முடியாது என்றும், மோசமான காற்றின் தரம் "மக்கள் படுகொலைக்குக் காரணமாக விளங்குகிறது" என்றும் கூறியது.