டெல்லியில் பயங்கர தீ விபத்து: 6 குழந்தைகள் உட்பட 16 பேர் மீட்பு

டெல்லி அடுக்குமாடி கட்டிடத்தில் ஏற்பட்ட பயங்கர தீ விபத்தில் 6 குழந்தைகள் உட்பட 16 பேர் மீட்கப்பட்டனர்.

இன்று காலை 7:40 மணியளவில் கட்டிடம் ஒன்றின் இரண்டாவது மாடியில் தீ விபத்து ஏற்பட்டுள்ளதாக தகலறிந்து,  8 தீயணைப்பு வாகனங்கள் தீயை அணைக்கும் பணியில் ஈடுபடுத்தப்பட்டுள்ளன.

அடுக்குமாடி குடியிருப்புக்குள் எல்பிஜி எரிவாயு உருளை வெடித்ததால் மீட்புப் பணி சவாலாக உள்ளதாக அதிகாரிகள் தெரிவித்தனர்.

மத்திய டெல்லியின் சுப்ஜி மண்டி பகுதியில் உள்ள அடுக்குமாடி குடியிருப்பில் ஞாயிற்றுக்கிழமை ஏற்பட்ட தீ விபத்தில் 6 குழந்தைகள் உட்பட 16 பேர் மீட்கப்பட்டதாக டெல்லி தீயணைப்புத்துறை அதிகாரிகள் தெரிவித்தனர்.

இன்று காலை 7:40 மணியளவில் ஒரு கட்டிடத்தின் இரண்டாவது மாடியில் தீ பற்றி ஒரு அழைப்பு வந்தது, மேலும் 8 தீயணைப்பு வாகனங்கள் தீயை அணைக்கும் முயற்சியில் ஈடுபடுத்தப்பட்டன.

சம்பந்தப்பட்ட காவல் நிலையத்திற்கும் தகவல் தெரிவிக்கப்பட்டது. நாங்கள் ஆறு குழந்தைகள், ஏழு பெண்கள் மற்றும் மூன்று ஆண்கள் உட்பட 16 பேரை மீட்டுள்ளோம் என்று அதிகாரி ஒருவர் கூறினார்.

இந்த தீவிபத்தில் தீ முற்றிலும் அணைக்கப்பட்டுள்ளது. யாருக்கும் கடுமையான காயங்கள் ஏற்படவில்லை. தீ விபத்துக்கான காரணத்தை அறிய நாங்கள் விசாரணையைத் தொடங்கியுள்ளோம் என்று மூத்த காவல்துறை அதிகாரி ஒருவர் தெரிவித்தார்.