அரசு அலுவலக செயல்பாடுகளை நேரில் பார்வையிட்ட அரசு பள்ளி மாணவர்கள்

விருதுநகர் மாவட்டம், காரியாபட்டியில் அரசு பள்ளி மாணவர்கள் அரசு அலுவலகங்களை பார்வையிட்டனர். பள்ளி மாணவர்களுக்கு வெளி உலக செயல்பாடுகள் பற்றி தெரிந்து கொள்வதற்காக அறிவோம் - ஆராய்வோம் என்ற திட்டத்தின் படி, காரியாபட்டி அருகே கழுவனச்சேரி பள்ளி மாணவர்கள், காரியாபட்டி பத்திரப்பதிவு , காவல் நிலையம், பேரூராட்சி அலுவலகம் மற்றும் யூனியன் அலுவலகம் ஆகிய இடங்களுக்கு நேரில் வருகை தந்து அங்குள்ள அலுவலக செயல் பாடுகளை பார்த்தனர். மேலும், ஊராட்சி ஒன்றிய அலுவலகத்தில், 100 நாள் வேலை திட்டம் பயனாளிகள் பதிவேடு, சம்பளம் விவரம் குறித்து கேட்டறிந்தார்கள். இந்நிகழ்ச்சியில், ஆசிரியர்கள் முனியாண்டி, சுனிதா குமாரி, இளநிலை உதவியாளர் வீரசேகர் உட்பட பலர் பங்கேற்றனர்.